بيلىك وكىلىنىڭ مالىمەتتەرى بويىنشا، ولاردىڭ بارلىعى وبلىستىڭ ءار اۋدانىندا انىقتالعان. ءبىرىنشى جاعدايدا ىلە اۋدانىنىڭ پروۆيزور گوسپيتالىندە كارانتيندە بولعان 63 جاستاعى ايەل ۆيرۋس جۇقتىرعان. ول كوروناۆيرۋستان قايتىس بولعان اقمولا وبلىسى قوسشى اۋىلىنىڭ 64 جاستاعى تۇرعىنىمەن ءبىر قۇدالىقتا بولعان.
ەكىنشى جاعداي جامبىل اۋدانىندا تىركەلدى. 1997 جىلى تۋعان قىز 20 ناۋرىزدا وڭتۇستىك كورەيادان يە چوۋ-الماتى رەيسىمەن كەلگەن.
ءۇشىنشى ناۋقاس قاراساي اۋدانىنىڭ 1995 جىلعى تۇرعىنى. ول جۇكتىلىكتىڭ 21-22 اپتاسىندا.
– بارلىق ناۋقاس قاراساي جۇقپالى اۋرۋلار اۋرۋحاناسىندا ەمدەلىپ جاتىر. وبلىس اكىمى اماندىق باتالوۆ اتالعان ءۇش اۋداندا دەزينفەكسيالىق شارالاردى كۇشەيتۋدى تاپسىردى، – دەپ حابارلايدى وبلىس اكىمىنىڭ باسپا ءسوز قىزمەتى.
