Memleket basshysy Qasym-Jomart Toqaevtyń tapsyrmasymen Zańsyz aktıvterdi qaıtarý jónindegi komısıa «Zańsyz ıemdenilgen aktıvterdi memleketke qaıtarý týraly» zań sheńberinde jumysyn jalǵastyrýda. Barlyq qarajat áleýmettik paıdaly maqsattarǵa odan ári qaıta bólý úshin Arnaýly memlekettik qorǵa jiberiledi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Sol qorǵa túsken qarjyǵa alǵashqylardyń biri bolyp, Túrkistan oblysy, Temirlan aýylynda  890 mln teńgege mýzyka mektebin salý týraly sheshim qabyldady.

Bul bastamalar turǵyndardy bilim berý jáne sporttyq qyzmettermen qamtýdy arttyrý úshin aýyldyq jerlerde áleýmettik ınfraqurylymdy damytýǵa baǵyttalǵan.

Túrkistan oblysynyń Temirlan aýylynda 300 oryndyq jańa óner mektebin salý kózdelgen. 1974 jyly qabyrǵasy karkastan salynǵan qazirgi ǵımarat zamanaýı sanıtarlyq jáne órt qaýipsizdigi talaptaryna saı emes, kúrdeli jóndeýge jaramaıdy. Soǵan qaramastan búgingi tańda keshen jumys istep tur. Ortalyqta 400-den astam bala oqıdy, bul onyń qazirgi qabyldaý múmkindiginen 2 esege artyq, 45 muǵalim sabaq beredi. Jańa joba aýylda óner salasynda qosymsha sapaly bilim alý úshin jaǵdaı jasaıdy. Endi balalar jaıly ortada mýzykamen, horeografıamen aınalysýǵa múmkindik alady.

Aıta keteıik, búgingi tańda Arnaýly memlekettik qorda 177 mlrd teńge jınaqtalǵan. Bul qarajattyń barlyǵy áleýmettik jáne ınfraqurylymdyq obektilerdi salýǵa, basqa da áleýmettik mańyzdy maqsattarǵa, sonyń ishinde densaýlyq saqtaý, bilim berý, buqaralyq sport jáne t. b. salalardaǵy jobalardy iske asyrýǵa baǵyttalady.