مەملەكەت باسشىسى قاسىم-جومارت توقايەۆتىڭ تاپسىرماسىمەن زاڭسىز اكتيۆتەردى قايتارۋ جونىندەگى كوميسسيا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ شەڭبەرىندە جۇمىسىن جالعاستىرۋدا. بارلىق قاراجات الەۋمەتتىك پايدالى ماقساتتارعا ودان ءارى قايتا ءبولۋ ءۇشىن ارناۋلى مەملەكەتتىك قورعا جىبەرىلەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

سول قورعا تۇسكەن قارجىعا العاشقىلاردىڭ ءبىرى بولىپ، تۇركىستان وبلىسى، تەمىرلان اۋىلىندا  890 ملن تەڭگەگە مۋزىكا مەكتەبىن سالۋ تۋرالى شەشىم قابىلدادى.

بۇل باستامالار تۇرعىنداردى ءبىلىم بەرۋ جانە سپورتتىق قىزمەتتەرمەن قامتۋدى ارتتىرۋ ءۇشىن اۋىلدىق جەرلەردە الەۋمەتتىك ينفراقۇرىلىمدى دامىتۋعا باعىتتالعان.

تۇركىستان وبلىسىنىڭ تەمىرلان اۋىلىندا 300 ورىندىق جاڭا ونەر مەكتەبىن سالۋ كوزدەلگەن. 1974 جىلى قابىرعاسى كاركاستان سالىنعان قازىرگى عيمارات زاماناۋي سانيتارلىق جانە ءورت قاۋىپسىزدىگى تالاپتارىنا ساي ەمەس، كۇردەلى جوندەۋگە جارامايدى. سوعان قاراماستان بۇگىنگى تاڭدا كەشەن جۇمىس ىستەپ تۇر. ورتالىقتا 400-دەن استام بالا وقيدى، بۇل ونىڭ قازىرگى قابىلداۋ مۇمكىندىگىنەن 2 ەسەگە ارتىق، 45 ءمۇعالىم ساباق بەرەدى. جاڭا جوبا اۋىلدا ونەر سالاسىندا قوسىمشا ساپالى ءبىلىم الۋ ءۇشىن جاعداي جاسايدى. ەندى بالالار جايلى ورتادا مۋزىكامەن، حورەوگرافيامەن اينالىسۋعا مۇمكىندىك الادى.

ايتا كەتەيىك، بۇگىنگى تاڭدا ارناۋلى مەملەكەتتىك قوردا 177 ملرد تەڭگە جيناقتالعان. بۇل قاراجاتتىڭ بارلىعى الەۋمەتتىك جانە ينفراقۇرىلىمدىق وبەكتىلەردى سالۋعا، باسقا دا الەۋمەتتىك ماڭىزدى ماقساتتارعا، سونىڭ ىشىندە دەنساۋلىق ساقتاۋ، ءبىلىم بەرۋ، بۇقارالىق سپورت جانە ت. ب. سالالارداعى جوبالاردى ىسكە اسىرۋعا باعىتتالادى.