Budan buryn Zyrándaǵy birneshe ózen arnasynan asqan. 400-den asa turǵyn - úıdi sý shaıǵan. Áli kúnge deıin 135 úı sý astynda.
Ótken aptada aýdannyń 811 turǵyny qutqaryldy. Sońǵy málimetke sáıkes 474 turǵyn úılerine oralypty.
Óńir basshysy Danıal Ahmetovtyń aıtýynsha, Zyrándy qaıta sý basýy múmkin.
- (Zyránda) áli qar jatyr. Aldaǵy kúnderi kún jylynady. Ózender taǵy arnasynan asýy múmkin. Bul boljam ǵana. Degenmen, daıyn bolýymyz kerek. Ahýal áli de aýyr. Osy sebepte turǵyndardy qaýipsiz jerge kóshiretin myńdaǵan oryn saılap qoıdyq", – deıdi Ahmetov.
Aýdanda tasqyn zardaptaryn joıýǵa 400-ge jýyq adam jumyldyrylǵan. Bulardyń arasynda komýnaldyq qyzmet ókilderi, qutqarýshylar men eriktiler bar.
Osynyń nátıjesinde Bykovo aýylyndaǵy sý shaıyp ketken kópir qaıta qalpyna keltirildi. Budan syrt Buqtyrma, Vtorýshka, Gránýshka ózenderiniń jıegine tas tógilip, qum qapshyqtarmen bekitildi.
Kún keshe Maleevsk aýylyndaǵy dambydan asyp tógilgen tógilgen sýdyń bıiktigi 7 metrge jetken. Ázir sý qoımasynyń irgesin bekitý ári erneýlerine sý jiberetin qubyrlar ornatý jumysy júrgizilýde.
Ahmetov búgin Zyrán aýdanyna keldi. Ákim aýdandaǵy tasqyn zardaptaryn joıý maqsatyndaǵy jumystarmen tanysatyn bolady.
