Bas prokýratýra kezinde eldi eleń etkizgen "Qorǵas isine" burynǵy senator, Ekonomikalyq jáne sybailas jemqorlyqqa qarsy kúres agenttiginiń eks-tóraǵasy Qairat Qojamjarovtyń da qatysy baryn rastady, dep habarlaidy Dalanews.kz Kazinform agenttigine silteme jasai otyryp.
Kezinde bul isti qarjy politsiiasy qozǵap, zańsyz áreketterge qatysy bar degen kúdikpen birqatar quqyq qorǵaý organdarynyń qyzmetkerleri, kedenshiler men kásipkerlerdi tergeýge tartqan bolatyn.
Eske sala ketsek, 2011 jyldyń sońynda Almaty oblysyndaǵy keden beketterinde aýqymdy kólemde urlyq jasalyp jatqany, sybailas jemqorlyq jailaǵany jaily qarjy politsiiasy dabyl qaqqan edi. Tergeý derekteri boiynsha, shekara beketindegi ekonomikalyq aimaqta sol ýaqytta 100-den astam adamnyń basyn biriktirgen uiymdasqan qylmystyq top jumys istep, onyń quramynda qylmystyq qurylym ókilderimen qatar keibir memlekettik organ qyzmetkerleri de bolǵan. Aqshalai nemese basqalai da syiaqy alyp, topqa qoldaý kórsetken laýazymdy tulǵalar da kezdeskeni aitylǵan.
Buǵan deiin Bas prokýratýra halyqaralyq izdeýde júrgen Arǵyn Nyǵmatýlinge qatysty Qylmystyq kodekstiń qai baby boiynsha aiyp taǵylǵanyn naqtylaǵan bolatyn.
Sondai-aq QazTAG 2023 jyldyń 11 jeltoqsanynda azaptaý aiybymen buryn Qairat Qojamjarovtyń qol astynda jumys istegen qarjy politsiiasynyń eks-qyzmetkeri Ulan Mádievtiń ustalǵanyn eske salady. Sol kezde birqatar BAQ "Qorǵas isi" óz jalǵasyn tabýda dep habarlaǵan edi. Burynǵy senatordyń qaramaǵyndaǵylarǵa taǵylǵan azaptaýdan bólek, qyz zorlaý aiyby da bar. Olardyń barlyǵy "Qorǵas isi" boiynsha kúdikti bolyp tabylady. Is materialdarynda Qojamjarovtyń "adamdary" retinde Mádievten bólek, qarjy politsiiasynyń burynǵy aǵa qyzmetkeri Talǵat Tatýbaevtyń, Almaty oblysy boiynsha qarjy politsiiasy departamentiniń burynǵy basshysy Sergei Potaninniń esimderi atalady. Eger Mádiev, Tatýbaev jáne Qarjy politsiiasynyń Almaty qalasy boiynsha departamentiniń burynǵy bastyǵy Maqsat Dúisenov "Qorǵas isinde" kontrabandadan paida tabýshylar dep atalsa, Qojamjarovtyń ózi atalǵan qylmystyq shemalardan bas paida tabýshysy retinde kórsetiledi.
2023 jylǵy 15 jeltoqsanda "Qorǵas isi" boiynsha tergeýdiń qaita qolǵa alynǵany resmi túrde rastaldy, al 2024 jylǵy 9 qańtarda, QazTAG óz derekkózderine silteme jasai otyryp, Qojamjarovtyń taǵy bir burynǵy baǵynyshty adamy - Qarjy politsiiasynyń Almaty qalalyq departamentiniń burynǵy qyzmetkeri Kenjebai Jumabekovtyń ustalǵanyn habarlady. Ol sońǵy ýaqytqa deiin Almaty qalalyq politsiia departamenti bastyǵynyń orynbasary qyzmetin atqarǵan Nurlan Amanbek týraly "Vremia" gazetiniń materialynda aitylǵan qarjy politsiiasy agenti Talǵat Mahatovtyń jaqyn dosy bolyp sanalady.
1 naýryzda Qojamjarovtyń burynǵy qaramaǵyndaǵylar "Qorǵas isi" boiynsha moiyndaý túrinde aiǵaqtar bergeni belgili boldy.
9 sáýirde Nurlan Amanbektiń Ulttyq qaýipsizdik komiteti (UQK) qyzmetkerleriniń arasynda deldal bolǵany, sóitip onyń Mahatovqa qatysy áshkere boldy. Buǵan deiin 29 naýryzda Amanbekke qatysty qylmystyq is qozǵalǵany habarlanǵan. 18 naýryzda kedenshi Medet Jamashevty tapsyryspen óltirilgeni týraly qylmystyq is boiynsha kýáger Talǵat Qarabaev atyshýly "Qorǵas isi" sheńberinde qylmystar jasalǵan kezeńde Ekonomikalyq qylmysqa jáne sybailas jemqorlyqqa qarsy kúres agenttiginiń basshylyǵyna berilgen para somalaryn atady. Shilde aiynda sotta eks-senator Qairat Qojamjarov týraly ashyq aiǵaqtar jariia boldy.
29 tamyzda keden qyzmetkerin tapsyryspen óltirý isi boiynsha sot úkimi shyqty. Mahatov ("Beton") tapsyrys berýshi dep tanylyp, 20 jylǵa sottaldy. Bir qyzyǵy, sottalǵandardyń arasynda Hasan Qasymbaevtyń aǵasy Erjan Qasymbaev ta bar, ol áigili "Hýtorshylar" UQT-nyń jetekshisi bolyp sanalady, bul toptyń aty Talǵar mańynda jasóspirim Sherzat Polattyń ólimine bailanysty iste barshaǵa taǵy aian boldy. Erjan Qasymbaev tapsyryspen kisi óltirýde tikelei oryndaýshylardyń biri retinde tanylyp, 15 jylǵa sottaldy. 2025 jylǵy 8 qańtarda sotqa Mahatovqa qarsy jańa qylmystyq is kelip túskeni belgili boldy.
