باس پروكۋراتۋرا كەزٸندە ەلدٸ ەلەڭ ەتكٸزگەن "قورعاس ٸسٸنە" بۇرىنعى سەناتور, ەكونوميكالىق جەنە سىبايلاس جەمقورلىققا قارسى كٷرەس اگەنتتٸگٸنٸڭ ەكس-تٶراعاسى قايرات قوجامجاروۆتىڭ دا قاتىسى بارىن راستادى, دەپ حابارلايدى Dalanews.kz Kazinform اگەنتتٸگٸنە سٸلتەمە جاساي وتىرىپ.
كەزٸندە بۇل ٸستٸ قارجى پوليتسيياسى قوزعاپ, زاڭسىز ەرەكەتتەرگە قاتىسى بار دەگەن كٷدٸكپەن بٸرقاتار قۇقىق قورعاۋ ورگاندارىنىڭ قىزمەتكەرلەرٸ, كەدەنشٸلەر مەن كەسٸپكەرلەردٸ تەرگەۋگە تارتقان بولاتىن.
ەسكە سالا كەتسەك, 2011 جىلدىڭ سوڭىندا الماتى وبلىسىنداعى كەدەن بەكەتتەرٸندە اۋقىمدى كٶلەمدە ۇرلىق جاسالىپ جاتقانى, سىبايلاس جەمقورلىق جايلاعانى جايلى قارجى پوليتسيياسى دابىل قاققان ەدٸ. تەرگەۋ دەرەكتەرٸ بويىنشا, شەكارا بەكەتٸندەگٸ ەكونوميكالىق ايماقتا سول ۋاقىتتا 100-دەن استام ادامنىڭ باسىن بٸرٸكتٸرگەن ۇيىمداسقان قىلمىستىق توپ جۇمىس ٸستەپ, ونىڭ قۇرامىندا قىلمىستىق قۇرىلىم ٶكٸلدەرٸمەن قاتار كەيبٸر مەملەكەتتٸك ورگان قىزمەتكەرلەرٸ دە بولعان. اقشالاي نەمەسە باسقالاي دا سىياقى الىپ, توپقا قولداۋ كٶرسەتكەن لاۋازىمدى تۇلعالار دا كەزدەسكەنٸ ايتىلعان.
بۇعان دەيٸن باس پروكۋراتۋرا حالىقارالىق ٸزدەۋدە جٷرگەن ارعىن نىعماتۋلينگە قاتىستى قىلمىستىق كودەكستٸڭ قاي بابى بويىنشا ايىپ تاعىلعانىن ناقتىلاعان بولاتىن.
سونداي-اق قازتاگ 2023 جىلدىڭ 11 جەلتوقسانىندا ازاپتاۋ ايىبىمەن بۇرىن قايرات قوجامجاروۆتىڭ قول استىندا جۇمىس ٸستەگەن قارجى پوليتسيياسىنىڭ ەكس-قىزمەتكەرٸ ۇلان مەديەۆتٸڭ ۇستالعانىن ەسكە سالادى. سول كەزدە بٸرقاتار باق "قورعاس ٸسٸ" ٶز جالعاسىن تابۋدا دەپ حابارلاعان ەدٸ. بۇرىنعى سەناتوردىڭ قاراماعىنداعىلارعا تاعىلعان ازاپتاۋدان بٶلەك, قىز زورلاۋ ايىبى دا بار. ولاردىڭ بارلىعى "قورعاس ٸسٸ" بويىنشا كٷدٸكتٸ بولىپ تابىلادى. ٸس ماتەريالدارىندا قوجامجاروۆتىڭ "ادامدارى" رەتٸندە مەديەۆتەن بٶلەك, قارجى پوليتسيياسىنىڭ بۇرىنعى اعا قىزمەتكەرٸ تالعات تاتۋباەۆتىڭ, الماتى وبلىسى بويىنشا قارجى پوليتسيياسى دەپارتامەنتٸنٸڭ بۇرىنعى باسشىسى سەرگەي پوتانيننٸڭ ەسٸمدەرٸ اتالادى. ەگەر مەديەۆ, تاتۋباەۆ جەنە قارجى پوليتسيياسىنىڭ الماتى قالاسى بويىنشا دەپارتامەنتٸنٸڭ بۇرىنعى باستىعى ماقسات دٷيسەنوۆ "قورعاس ٸسٸندە" كونتراباندادان پايدا تابۋشىلار دەپ اتالسا, قوجامجاروۆتىڭ ٶزٸ اتالعان قىلمىستىق سحەمالاردان باس پايدا تابۋشىسى رەتٸندە كٶرسەتٸلەدٸ.
2023 جىلعى 15 جەلتوقساندا "قورعاس ٸسٸ" بويىنشا تەرگەۋدٸڭ قايتا قولعا الىنعانى رەسمي تٷردە راستالدى, ال 2024 جىلعى 9 قاڭتاردا, قازتاگ ٶز دەرەككٶزدەرٸنە سٸلتەمە جاساي وتىرىپ, قوجامجاروۆتىڭ تاعى بٸر بۇرىنعى باعىنىشتى ادامى - قارجى پوليتسيياسىنىڭ الماتى قالالىق دەپارتامەنتٸنٸڭ بۇرىنعى قىزمەتكەرٸ كەنجەباي جۇمابەكوۆتىڭ ۇستالعانىن حابارلادى. ول سوڭعى ۋاقىتقا دەيٸن الماتى قالالىق پوليتسييا دەپارتامەنتٸ باستىعىنىڭ ورىنباسارى قىزمەتٸن اتقارعان نۇرلان امانبەك تۋرالى "ۆرەميا" گازەتٸنٸڭ ماتەريالىندا ايتىلعان قارجى پوليتسيياسى اگەنتٸ تالعات ماحاتوۆتىڭ جاقىن دوسى بولىپ سانالادى.
1 ناۋرىزدا قوجامجاروۆتىڭ بۇرىنعى قاراماعىنداعىلار "قورعاس ٸسٸ" بويىنشا مويىنداۋ تٷرٸندە ايعاقتار بەرگەنٸ بەلگٸلٸ بولدى.
9 سەۋٸردە نۇرلان امانبەكتٸڭ ۇلتتىق قاۋٸپسٸزدٸك كوميتەتٸ (ۇقك) قىزمەتكەرلەرٸنٸڭ اراسىندا دەلدال بولعانى, سٶيتٸپ ونىڭ ماحاتوۆقا قاتىسى ەشكەرە بولدى. بۇعان دەيٸن 29 ناۋرىزدا امانبەككە قاتىستى قىلمىستىق ٸس قوزعالعانى حابارلانعان. 18 ناۋرىزدا كەدەنشٸ مەدەت جاماشەۆتى تاپسىرىسپەن ٶلتٸرٸلگەنٸ تۋرالى قىلمىستىق ٸس بويىنشا كۋەگەر تالعات قاراباەۆ اتىشۋلى "قورعاس ٸسٸ" شەڭبەرٸندە قىلمىستار جاسالعان كەزەڭدە ەكونوميكالىق قىلمىسقا جەنە سىبايلاس جەمقورلىققا قارسى كٷرەس اگەنتتٸگٸنٸڭ باسشىلىعىنا بەرٸلگەن پارا سومالارىن اتادى. شٸلدە ايىندا سوتتا ەكس-سەناتور قايرات قوجامجاروۆ تۋرالى اشىق ايعاقتار جارييا بولدى.
29 تامىزدا كەدەن قىزمەتكەرٸن تاپسىرىسپەن ٶلتٸرۋ ٸسٸ بويىنشا سوت ٷكٸمٸ شىقتى. ماحاتوۆ ("بەتون") تاپسىرىس بەرۋشٸ دەپ تانىلىپ, 20 جىلعا سوتتالدى. بٸر قىزىعى, سوتتالعانداردىڭ اراسىندا حاسان قاسىمباەۆتىڭ اعاسى ەرجان قاسىمباەۆ تا بار, ول ەيگٸلٸ "حۋتورشىلار" ۇقت-نىڭ جەتەكشٸسٸ بولىپ سانالادى, بۇل توپتىڭ اتى تالعار ماڭىندا جاسٶسپٸرٸم شەرزات پولاتتىڭ ٶلٸمٸنە بايلانىستى ٸستە بارشاعا تاعى ايان بولدى. ەرجان قاسىمباەۆ تاپسىرىسپەن كٸسٸ ٶلتٸرۋدە تٸكەلەي ورىنداۋشىلاردىڭ بٸرٸ رەتٸندە تانىلىپ, 15 جىلعا سوتتالدى. 2025 جىلعى 8 قاڭتاردا سوتقا ماحاتوۆقا قارسى جاڭا قىلمىستىق ٸس كەلٸپ تٷسكەنٸ بەلگٸلٸ بولدى.
