Bizdiń qoǵamda orys tilin bilmeý shynymen de uıat pa? Bizdińshe, munyń eshqandaı sókettigi joq. Qaırat elimiz táýelsizdik alǵan jyldary ómirge kelip, at jalyn tarap mingen azamat. Sondyqtan onyń orys tilin jetik bilmeýi zańdylyq. Bul qaıta táýelsizdiktiń jemisi. Kerisinshe qoǵamdyq ómirimizde mundaı úrdistiń júrip jatqanyna qýanýymyz qajet.
Biz Reseıge baǵynyshty el emespiz. Sondyqtan orys tilin bizge bilý mindet emes. Sondyqtan "Qaırat orys tilin bilmeıdi" dep orynsyz jerge shı júgirtýge bolmaıdy. Aldaǵy ýaqytta orys tilin bilmeıtin jastardyń qatary artyp, qarat komýnıserdiń sany sıreıtini zańdylyq.
Búginde qazaq jastary aǵylshyn tilin meńgerip, elimizdiń álemdik keńistikte tantyýǵa bar kúsh-jigerin jumsaýy kerek. Mıllıardtaǵan qytaıdy aýzyna qaratqan Dımash baıqaý barysynda qazaq jáne aǵylshyn tilinde ǵana sóıledi ǵoı. Bizdiń ánshiler orystyń sahnasyna shyqqanda da qazaq tilinde sóılep, orys tildi qaýymnyń jeteginde ketpeýi kerek.
Búginde damyǵan Batys elderiniń ekonomıkalyq qyspaǵynda qalǵan Reseıdiń orys tili elimizde umytyla beretini sózsiz. Budan tragedıa jasaýdyń jóni joq. Eger orystar Qaırat Nurtaspen emen-jarqyn áńgime qurǵysy kelse tilmash arqyly sóılesýine bolady.
Nurlan Jumahan
https://dalanews.kz/27084
