Qazaqstanda áleýmettik mańyzy bar azyq-túlik taýarlarynyń baǵasy tómendeýin jalǵastyryp jatyr, dep habarlaidy dalanews.kz.
2026 jylǵy 23 qyrkúiektegi jaǵdai boiynsha, eseptik aptada birneshe ónim boiynsha baǵanyń arzandaýy tirkeldi.
Apta ishinde piiaz baǵasy 4,3%-ǵa, sábiz 2,8%-ǵa, alma 2,5%-ǵa, qiiar 1,3%-ǵa, kartop 0,9%-ǵa tómendegen. Sonymen qatar qant pen taýyq eti 0,5%-ǵa, súiekti siyr eti 0,4%-ǵa arzandaǵan.
Al qoi eti, taýyq jumyrtqasy, súzbe jáne qyryqqabat baǵasy eseptik kezeńde ózgerissiz qalǵan.
Baǵanyń tómendeýi maýsymdyq ónimderdiń naryqqa kóptep shyǵýymen jáne ishki naryqtaǵy usynystyń artýymen bailanysty bolýy múmkin.
