ءبىزدىڭ قوعامدا ورىس ءتىلىن بىلمەۋ شىنىمەن دە ۇيات پا؟ بىزدىڭشە، مۇنىڭ ەشقانداي سوكەتتىگى جوق. قايرات ەلىمىز تاۋەلسىزدىك العان جىلدارى ومىرگە كەلىپ، ات جالىن تاراپ مىنگەن ازامات. سوندىقتان ونىڭ ورىس ءتىلىن جەتىك بىلمەۋى زاڭدىلىق. بۇل قايتا تاۋەلسىزدىكتىڭ جەمىسى. كەرىسىنشە قوعامدىق ومىرىمىزدە مۇنداي ءۇردىستىڭ ءجۇرىپ جاتقانىنا قۋانۋىمىز قاجەت.
ءبىز رەسەيگە باعىنىشتى ەل ەمەسپىز. سوندىقتان ورىس ءتىلىن بىزگە ءبىلۋ مىندەت ەمەس. سوندىقتان "قايرات ورىس ءتىلىن بىلمەيدى" دەپ ورىنسىز جەرگە شي جۇگىرتۋگە بولمايدى. الداعى ۋاقىتتا ورىس ءتىلىن بىلمەيتىن جاستاردىڭ قاتارى ارتىپ، قارات كوممۋنيستەردىڭ سانى سيرەيتىنى زاڭدىلىق.
بۇگىندە قازاق جاستارى اعىلشىن ءتىلىن مەڭگەرىپ، ەلىمىزدىڭ الەمدىك كەڭىستىكتە تانتىۋعا بار كۇش-جىگەرىن جۇمساۋى كەرەك. ميللياردتاعان قىتايدى اۋزىنا قاراتقان ديماش بايقاۋ بارىسىندا قازاق جانە اعىلشىن تىلىندە عانا سويلەدى عوي. ءبىزدىڭ انشىلەر ورىستىڭ ساحناسىنا شىققاندا دا قازاق تىلىندە سويلەپ، ورىس ءتىلدى قاۋىمنىڭ جەتەگىندە كەتپەۋى كەرەك.
بۇگىندە دامىعان باتىس ەلدەرىنىڭ ەكونوميكالىق قىسپاعىندا قالعان رەسەيدىڭ ورىس ءتىلى ەلىمىزدە ۇمىتىلا بەرەتىنى ءسوزسىز. بۇدان تراگەديا جاساۋدىڭ ءجونى جوق. ەگەر ورىستار قايرات نۇرتاسپەن ەمەن-جارقىن اڭگىمە قۇرعىسى كەلسە ءتىلماش ارقىلى سويلەسۋىنە بولادى.
نۇرلان جۇماحان
https://dalanews.kz/27084
