Jetisý oblysynyń Eskeldi aýdanynda jeke úiden órt shyǵyp, úsh bala qaza tapty, dep habarlaidy dalanews.kz.
Oqiǵa 25 qyrkúiek tańerteń Baqtybai aýylynda bolǵan. Barak úlgisindegi jeke úiden órt shyqqan.
Órt kezinde anasy 13 jastaǵy balasymen birge syrtqa shyǵyp úlgergen. Alaida úide taǵy úsh bala qalǵan.
Órtti sóndirý barysynda qutqarýshylar úidiń ishinen bir, alty jáne segiz jastaǵy úsh balanyń denesin alyp shyqqan.
Qazirgi ýaqytta órttiń shyǵý sebebi men oqiǵanyń barlyq mán-jaiy anyqtalyp jatyr.
