Qazir elimizde kisi qaqysy, adamnyń jeke ómirine qol suqpaýǵa qatysty kóp áńgime aitylyp júr. Biraq muny bári jai sóz kúiinde qalmaýy kerek. Búgin áleýmettik jelide ánshi Qairat Nurtastyń Janka esimdi jartylai jalańash boijetkenmen bir úidegi videosy jariialanyp, kópshilik qaýym sony talqylap jatyr.
Jelide taralǵan bir sáttik videoda Qairat Nurtasqa pen ashyq-shashyq kiingen (solai dep aitaiyq) boijetkenniń ara qatynasynyń qandai ekenin anyq baiqaýǵa bolady (endi oǵan biz baǵa bermei-aq qoialyq).
Ainanyń aldynda ózin videoǵa túsirgen boijetkenniń kamerasyna Qairat Nurtas oilamaǵan jerden túsip qalypty.
Qairekeńniń jeńil júristi boijetkenmen kóńil qosqany aiǵaqtaityn video Altai men Atyraýdyń arasyna zamatta tarap ketti. Osylaisha Qairekeń bir kúnde qoǵamdyq ómirimizdiń «antigeroiyna» ainalyp shyǵa keldi. Shyndyǵynda muny Qairat Nurtasqa qarasy jasalynǵan býlling dese bolatyndai.
Aitpaqshy, sońǵy kezderi kisiniń jeke ómirine qatysty mundai videolar elimizdegi shýly sot otyrystary kezinde taralýy ádetke ainalǵandai... Búgin jýrnalist Dýman Muhametkárimniń soty ótýde.
Kezinde Nazarbaev óziniń 30 jyldyq biliginiń sońynda osyndai «kompromattardy» áldekimderdiń kómegemin kóptep jinap, ony jelide taratyp, óziniń biligin jasandy jolmen «uzartqany» esimizde.
Bizdińshe, Jańa Qazaqstan tizesi shyqqan osyndai eski tásilden aýlaq bolýy kerek. Mundai surqaiy videolar men kompromattar qoǵamdy óshirmese, ósirmesi anyq. Osyndai pasyq áreketter qazir kórshi Reseide keń etek alýda. Bizder budan saqtanýymyz kerek.
Halyqqa Qairattyń Nurtastyń jeke ómirine qatysty máseleler qyzyq bolmaýy kerek. Biraq bul bir oqiǵany bir oqiǵamen umyttyrý bolsa jaqsylyqtyń nyshany emes.
Árine, muny Jańa Qazaqstannyń ókilderi istep otyr dep aitýǵa aýzymyz barmaidy. Dál osy videony belgili jýrnalist Dýman Muhametkárimniń soty bolǵan kúni revanshty ańsap júrgen Eski Qazaqstannyń qasykóileri ádeii uiymdastyrýy da bek múmkin.
Osyǵan deiin bilikke qarsy syni pikirin aityp júrgen Dinara Egeýbaev bastaǵan birqatar jýrnalisterge ótken jyly Eski Qazaqstannyń qotyrashtary men batyrashtary tasada turyp, tas atyp, kóligin órtep jiberdi.
Sol kezde quqyq qorǵaý organdary bul istiń sońyna túsip, las tirlikti Jańa Qazaqstanǵa kúie jaǵý úshin eski júieniń ókilderi ádei uiymdastyrǵanyn anyqtaǵan edi. Sondyqtan quqyq qorǵaý organdary Jańa Qazaqstanǵa kúie jaǵýdy jatsa da, tursa da armandaityn eski júieniń tasada turyp tas atýshylaryn taýyp sazaiyn berýi kerek.
