ءقازىر ەلىمىزدە كىسى قاقىسى، ادامنىڭ جەكە ومىرىنە قول سۇقپاۋعا قاتىستى كوپ اڭگىمە ايتىلىپ ءجۇر. ءبىراق مۇنى ءبارى جاي ءسوز كۇيىندە قالماۋى كەرەك. بۇگىن الەۋمەتتىك جەلىدە ءانشى قايرات نۇرتاستىڭ جانكا ەسىمدى جارتىلاي جالاڭاش بويجەتكەنمەن ءبىر ۇيدەگى ۆيدەوسى جاريالانىپ، كوپشىلىك قاۋىم سونى تالقىلاپ جاتىر.   

جەلىدە تارالعان ءبىر ساتتىك ۆيدەودا قايرات نۇرتاسقا پەن اشىق-شاشىق كيىنگەن (سولاي دەپ ايتايىق) بويجەتكەننىڭ ارا قاتىناسىنىڭ قانداي ەكەنىن انىق بايقاۋعا بولادى (ەندى وعان ءبىز باعا بەرمەي-اق قويالىق).

اينانىڭ الدىندا ءوزىن ۆيدەوعا تۇسىرگەن بويجەتكەننىڭ كامەراسىنا قايرات نۇرتاس ويلاماعان جەردەن ءتۇسىپ قالىپتى.  

قايرەكەڭنىڭ جەڭىل ءجۇرىستى بويجەتكەنمەن كوڭىل قوسقانى ايعاقتايتىن ۆيدەو التاي مەن اتىراۋدىڭ اراسىنا زاماتتا تاراپ كەتتى. وسىلايشا قايرەكەڭ ءبىر كۇندە قوعامدىق ءومىرىمىزدىڭ «انتيگەرويىنا» اينالىپ شىعا كەلدى. شىندىعىندا مۇنى قايرات نۇرتاسقا قاراسى جاسالىنعان بۋللينگ دەسە بولاتىنداي.

ايتپاقشى، سوڭعى كەزدەرى كىسىنىڭ جەكە ومىرىنە قاتىستى مۇنداي ۆيدەولار ەلىمىزدەگى شۋلى سوت وتىرىستارى كەزىندە تارالۋى ادەتكە اينالعانداي... بۇگىن جۋرناليست دۋمان مۇحامەتكارىمنىڭ سوتى وتۋدە.

كەزىندە نازاربايەۆ ءوزىنىڭ 30 جىلدىق بيلىگىنىڭ سوڭىندا وسىنداي «كومپروماتتاردى» الدەكىمدەردىڭ كومەگەمىن كوپتەپ جيناپ، ونى جەلىدە تاراتىپ، ءوزىنىڭ بيلىگىن جاساندى جولمەن «ۇزارتقانى» ەسىمىزدە.

بىزدىڭشە، جاڭا قازاقستان تىزەسى شىققان وسىنداي ەسكى تاسىلدەن اۋلاق بولۋى كەرەك. مۇنداي سۇرقايى ۆيدەولار مەن كومپروماتتار قوعامدى وشىرمەسە، وسىرمەسى انىق. وسىنداي پاسىق ارەكەتتەر ءقازىر كورشى رەسەيدە كەڭ ەتەك الۋدا. بىزدەر بۇدان ساقتانۋىمىز كەرەك.

حالىققا قايراتتىڭ نۇرتاستىڭ جەكە ومىرىنە قاتىستى ماسەلەلەر قىزىق بولماۋى كەرەك. ءبىراق بۇل ءبىر وقيعانى ءبىر وقيعامەن ۇمىتتىرۋ بولسا جاقسىلىقتىڭ نىشانى ەمەس.

ارينە، مۇنى جاڭا قازاقستاننىڭ وكىلدەرى ىستەپ وتىر دەپ ايتۋعا اۋزىمىز بارمايدى. ءدال وسى ۆيدەونى بەلگىلى جۋرناليست دۋمان مۇحامەتكارىمنىڭ سوتى بولعان كۇنى ريەۆانشتى اڭساپ جۇرگەن ەسكى قازاقستاننىڭ قاسىكويلەرى ادەيى ۇيىمداستىرۋى دا بەك مۇمكىن.

وسىعان دەيىن بيلىككە قارسى سىني پىكىرىن ايتىپ جۇرگەن دينارا ەگەۋبايەۆ باستاعان ءبىرقاتار جۋرناليستەرگە وتكەن جىلى ەسكى قازاقستاننىڭ قوتىراشتارى مەن باتىراشتارى تاسادا تۇرىپ، تاس اتىپ، كولىگىن ورتەپ جىبەردى.

سول كەزدە قۇقىق قورعاۋ ورگاندارى بۇل ءىستىڭ سوڭىنا ءتۇسىپ، لاس تىرلىكتى جاڭا قازاقستانعا كۇيە جاعۋ ءۇشىن ەسكى جۇيەنىڭ وكىلدەرى ادەي ۇيىمداستىرعانىن انىقتاعان ەدى. سوندىقتان قۇقىق قورعاۋ ورگاندارى جاڭا قازاقستانعا كۇيە جاعۋدى جاتسا دا، تۇرسا دا ارماندايتىن ەسكى جۇيەنىڭ تاسادا تۇرىپ تاس اتۋشىلارىن تاۋىپ سازايىن بەرۋى كەرەك.