Iá, qazir jap-jas mamandardyń basshylyqqa taǵaiyndalýy jańalyq emes. Tek áleýmettik jeli qoldanýshylary Dana Júnisovanyń JOO oqymai jatyp qalaisha "Qazaqstan temir joly" ulttyq kompaniiasyna qyzmetke ornalasyp alǵanyn túsine almapty.
Qaraýyl bolý úshin de diplom men eńbek ótilin talap etetin búgingi zamanda výnderkind bop týmasań rasymen de mektepten keiin dereý jumysqa ornalasý qiynnyń qiyny, al, ulttyq kompaniialarǵa tipti múmkin de emes shyǵar...
Túsinikti bolý úshin aita keteiik, Dana Júnisova 1985 jyly týǵan. Eńbek jolyn 2003 jyly "Qazaqstan temir joly" ulttyq kompaniiasynan bastapty. Iaǵni, 18 jasynda jumysqa ornalasqan. Ádette Qazaqstan azamattary bul jasta mektep bitirip, joǵary oqý ornyna túsip jatady.
Al, Dana Beisenqyzy oqýǵa túsip, ulttyq kompaniiadaǵy jumysyn qatar alyp júrgen kórinedi. Óitkeni, ol JOO-ny 2006 jyly bitirgen. Sonda ol oqýǵa barmai jumys istegen be, álde oqýyn oqyp, qyzmetin qashyqtyqtan atqaryp kelgen be, ol jaǵy belgisiz.
