ءيا، ءقازىر جاپ-جاس مامانداردىڭ باسشىلىققا تاعايىندالۋى جاڭالىق ەمەس. تەك الەۋمەتتىك جەلى قولدانۋشىلارى دانا ءجۇنىسوۆانىڭ جوو وقىماي جاتىپ قالايشا "قازاقستان تەمىر جولى" ۇلتتىق كومپانياسىنا قىزمەتكە ورنالاسىپ العانىن تۇسىنە الماپتى.
قاراۋىل بولۋ ءۇشىن دە ديپلوم مەن ەڭبەك ءوتىلىن تالاپ ەتەتىن بۇگىنگى زاماندا ۆۋندەركيند بوپ تۋماساڭ راسىمەن دە مەكتەپتەن كەيىن دەرەۋ جۇمىسقا ورنالاسۋ قيىننىڭ قيىنى، ال، ۇلتتىق كومپانيالارعا ءتىپتى مۇمكىن دە ەمەس شىعار...
تۇسىنىكتى بولۋ ءۇشىن ايتا كەتەيىك، دانا ءجۇنىسوۆا 1985 جىلى تۋعان. ەڭبەك جولىن 2003 جىلى "قازاقستان تەمىر جولى" ۇلتتىق كومپانياسىنان باستاپتى. ياعني، 18 جاسىندا جۇمىسقا ورنالاسقان. ادەتتە قازاقستان ازاماتتارى بۇل جاستا مەكتەپ ءبىتىرىپ، جوعارى وقۋ ورنىنا ءتۇسىپ جاتادى.
ال، دانا بەيسەن قىزى وقۋعا ءتۇسىپ، ۇلتتىق كومپانياداعى جۇمىسىن قاتار الىپ جۇرگەن كورىنەدى. ويتكەنى، ول جوو-نى 2006 جىلى بىتىرگەن. سوندا ول وقۋعا بارماي جۇمىس ىستەگەن بە، الدە وقۋىن وقىپ، قىزمەتىن قاشىقتىقتان اتقارىپ كەلگەن بە، ول جاعى بەلگىسىز.
