Dalainside telegram arnasynyń habarlaǵanyndai «Qazatompromnyń» basshylyq quramyn qyzmetten ketýge májbúr etken faktorlar bar.
«Qor tarapynan «Qazatompromnyń» top-menedjerlerine qysym jasaldy. «Samuryq-Qazyna» kásiporyn jetekshilerin kompaniianyń saiasatyna qaishy keletin sheshim qabyldaýǵa itermeledi.
Bul úrdis qorǵa Nurlan Jaqypov kelgeli kúsheie tústi. Kompaniianyń qazirgi basshylyǵy «Samuryqtyń» aitqanyn eki etpeitin, bas erki joq tulǵalar.
Sońǵy ýaqytta taǵy bir qaýipti tendentsiia beleń alýda. Rosatom «Qazatompromnyń» ishki «kýhniasyna» tumsyq tyǵýǵa talpyna bastady...», - deidi Dalainside.
El úshin strategiialyq mańyzy bar nysan syrt kúshterdiń jeteginde ketse, osy saladaǵy Batyspen birlesken jobalarǵa qaýip tónip, kompaniianyń repýtatsiiasy ońbai oisyrary anyq.
Aita ketelik, sońǵy eki jylda «Qazatompromda» úsh birdei basshy aýysqan. Arty-artynan ornyn bosatqan bilikti menedjerlerdiń jumystan ketýi de beker emes.
Dalainside-qa málim bolǵandai bulardyń basym bóligi Býdenovskoe ken ornynyń 49% satyp alǵan «Rosatommen» aradaǵy kelisimniń ádil ótkenine kúmánmen qaraǵan.
"Qazatomprom» aktsionerleri buǵan áýel bastan qarsy boldy. Kelissóz nátijesiniń eleýsiz, kózge kóriner kórinbestei etip jariialanǵany da sol sebepti. Rosatom? Orystardyń arany ashylyp barady. Reseilik monopolist Býdenovten bólek, Qazatompromǵa qarasty basqa da ken oryndaryna kóz tigip otyr.
Pýtinnen tolyq kart-blansh alǵan Rosatomprom kelesi kezekte ýranǵa bógip jatqan «Inkai-3» kenishine aýyz salýy múmkin. Kásiporyn basshylyǵy men Energetika ministrligi osy másele boiynsha konsýltatsiia ótkizdi, kompaniia kenishti igerýge ruqsat beretin sátti kútip otyr. Ruqsat berilgen mezette Rosatom kenishten úles qarpyp qalýǵa tyrysady...», - deidi arna derekkózi.
Mańyzdy aqparattarmen bólisetin DALA INSIDE tirkelýge keńes beremiz: https://t.me/dalainside/1515
https://dalanews.kz/news/93773-sot-deputat-turlykhanovtyng-ulyna-qaty
