Dalainside تەلەگرام ارناسىنىڭ حابارلاعانىنداي «قازاتومپرومنىڭ» باسشىلىق قۇرامىن قىزمەتتەن كەتۋگە ءماجبۇر ەتكەن فاكتورلار بار.
«قور تاراپىنان «قازاتومپرومنىڭ» توپ-مەنەدجەرلەرىنە قىسىم جاسالدى. «سامۇرىق-قازىنا» كاسىپورىن جەتەكشىلەرىن كومپانيانىڭ ساياساتىنا قايشى كەلەتىن شەشىم قابىلداۋعا يتەرمەلەدى.
بۇل ءۇردىس قورعا نۇرلان جاقىپوۆ كەلگەلى كۇشەيە ءتۇستى. كومپانيانىڭ قازىرگى باسشىلىعى «سامۇرىقتىڭ» ايتقانىن ەكى ەتپەيتىن، باس ەركى جوق تۇلعالار.
سوڭعى ۋاقىتتا تاعى ءبىر ءقاۋىپتى تەندەنسيا بەلەڭ الۋدا. روساتوم «قازاتومپرومنىڭ» ىشكى «كۋحنياسىنا» تۇمسىق تىعۋعا تالپىنا باستادى...»، - دەيدى Dalainside.
ەل ءۇشىن ستراتەگيالىق ماڭىزى بار نىسان سىرت كۇشتەردىڭ جەتەگىندە كەتسە، وسى سالاداعى باتىسپەن بىرلەسكەن جوبالارعا ءقاۋىپ ءتونىپ، كومپانيانىڭ رەپۋتاسياسى وڭباي ويسىرارى انىق.
ايتا كەتەلىك، سوڭعى ەكى جىلدا «قازاتومپرومدا» ءۇش بىردەي باسشى اۋىسقان. ارتى-ارتىنان ورنىن بوساتقان بىلىكتى مەنەدجەرلەردىڭ جۇمىستان كەتۋى دە بەكەر ەمەس.
Dalainside-قا ءمالىم بولعانداي بۇلاردىڭ باسىم بولىگى بۋدەنوۆسكوە كەن ورنىنىڭ 49% ساتىپ العان «روساتوممەن» اراداعى كەلىسىمنىڭ ءادىل وتكەنىنە كۇمانمەن قاراعان.
"قازاتومپروم» اكسيونەرلەرى بۇعان اۋەل باستان قارسى بولدى. كەلىسسوز ناتيجەسىنىڭ ەلەۋسىز، كوزگە كورىنەر كورىنبەستەي ەتىپ جاريالانعانى دا سول سەبەپتى. روساتوم؟ ورىستاردىڭ ارانى اشىلىپ بارادى. رەسەيلىك مونوپوليست بۋدەنوۆتەن بولەك، قازاتومپرومعا قاراستى باسقا دا كەن ورىندارىنا كوز تىگىپ وتىر.
پۋتيننەن تولىق كارت-بلانش العان روساتومپروم كەلەسى كەزەكتە ۋرانعا بوگىپ جاتقان «ينكاي-3» كەنىشىنە اۋىز سالۋى مۇمكىن. كاسىپورىن باسشىلىعى مەن ەنەرگەتيكا مينيسترلىگى وسى ماسەلە بويىنشا كونسۋلتاسيا وتكىزدى، كومپانيا كەنىشتى يگەرۋگە رۇقسات بەرەتىن ءساتتى كۇتىپ وتىر. رۇقسات بەرىلگەن مەزەتتە روساتوم كەنىشتەن ۇلەس قارپىپ قالۋعا تىرىسادى...»، - دەيدى ارنا دەرەككوزى.
ماڭىزدى اقپاراتتارمەن بولىسەتىن DALA INSIDE تىركەلۋگە كەڭەس بەرەمىز: https://t.me/dalainside/1515
https://dalanews.kz/news/93773-sot-deputat-turlykhanovtyng-ulyna-qaty
