Prezident Qasym-Jomart Toqaev qazaq tiliniń mártebesine qatysty qoǵamda oryn alyp jatqan pikirlerge toqtalyp, onyń bolashaǵy jarqyn ekenin aitty, dep habarlaidy Dala News.
Memleket basshysy jańa Konstitýtsiia jobasynda qazaq tiliniń mártebesi naqty kórsetilgenin atap ótti.
«Osy oraida qazaq tiliniń mártebesi tómendedi dep baibalam salýdyń qajeti joq. Jańa Konstitýtsiia jobasynda “Qazaqstan Respýblikasynyń memlekettik tili – qazaq tili” dep naqty jazylǵan», – dedi Prezident.
Toqaevtyń aitýynsha, qazaq tili tek kórkem ádebiette ǵana emes, eldiń qoǵamdyq-saiasi ómiriniń barlyq salasynda keńinen qoldanylyp keledi.
«Eń mańyzdysy, jastar arasynda qazaqsha sóileý sánge ainaldy. Basqasha aitqanda, qazaq tiliniń bolashaǵy jarqyn», – dedi ol.
Prezident keibir adamdar til máselesin saiasi qural retinde paidalanatynyn da atap ótti.
«Keibireýler til taǵdyryna alańdaǵan keiip tanytyp, bul taqyrypty saiasi qural retinde paidalanady», – dedi Memleket basshysy.
Sonymen qatar Toqaev qazaqstandyq jastardyń kóptildi bolýyna da nazar aýdardy.
«Qazaq jastary jańashyldyqqa tez beiimdele alýymen erekshelenedi. Olar qazaqsha men orysshany qosa alǵanda, úsh-tórt tildi erkin meńgeredi. Muny ainalamyzdan kúnde kórip júrmiz», – dedi Prezident.
