"Memleket barlyq aimaqta sport infraqurylymyn damytýǵa basa mán beredi. Biyl Astanada Ulttyq sport ýniversitetiniń, Túrkistanda eskek esý sportyna arnalǵan kanaldyń, Qyzylordada fýtbol stadionynyń, Jetisý oblysynda deneshynyqtyrý-saýyqtyrý kesheniniń, Oralda erekshe qajettiligi bar adamdarǵa arnalǵan sport kesheniniń qurylysy aiaqtalady". Býrabaida ótip jatqan Ulttyq quryltaidyń IV otyrysynda osylai degen Memleket basshysy ózge óńirlerde de qolǵa alynyp jatqan áleýmettik jobalarǵa, áleýmettik salyqqa, óńir ákimderiniń jumysyna da toqtaldy, dep habarlaidy Dalanews.kz.
"...Biyl Kókshetaýda kópfýnktsionaldy sport kesheniniń qurylysy bastalady. Bul Qazaqstanda teńdesi joq ortalyq bolmaq. Osy jobany arnaýly memlekettik qordan, iaǵni zańsyz aktivterdi qaitarý esebinen qarjylandyrý kerek. Úkimetke osy máseleni pysyqtaýdy tapsyramyn", - dedi Memleket basshysy óz sózinde.
Sondai-aq Prezident úsh jyldyń ishinde 2 trillion teńgeden astam zańsyz aktivter elge qaitarylǵanyn, bul qarjynyń aimaqtardaǵy ózekti ekonomikalyq jáne áleýmettik máselelerdi sheshýge jumsalyp jatqany óte mańyzdy bolyp tabylatynyn basa atap ótti.
"Qýatty aimaqtar – qýatty el" ustanymy – meniń saiasi baǵdarymdaǵy myzǵymas qaǵidanyń biri. Úkimet osy qaǵidany negizge ala otyryp, oblystardyń enshisindegi áleýmettik salyqty saqtap qalý týraly sheshim qabyldady. Alaida oblys ákimderi biýdjet qarjysyn únemdep, tiimdi paidalanýy kerek. Elge paidasy tietin áleýmettik mańyzy bar jobalarǵa basymdyq berý qajet. Búgin aitylǵan bastamalar men jobalar aimaqtardyń birkelki damýyna yqpal etip, elimizdiń odan ári órkendeýine jol ashady dep senemin", - dedi Qasym-Jomart Toqaev.
