Jetisý oblysynyń ákimi Beibit Isabaevtyń aitýynsha, aimaq ekonomikasynyń barlyq negizgi salasynyń damýynda oń úrdis saqtalyp otyrǵanyn aitty.
Oblystaǵy óndiris kólemi 5,8 paiyzǵa, aýyl sharýashylyǵy 1,7 paiyzǵa ulǵaiǵan. Al saýda men qurylys salalarynyń damý kórsetkishteri 1,6 ese ósti. 198,4 myń sharshy metr turǵyn úi paidalanýǵa berilgen. Bul 2022 jyldyń osy kezeńimen salystyrǵanda 11,2 paiyzǵa kóp.
Sonymen qatar Beibit Isabaev oblys ekonomikasyna 213,9 milliard teńge investitsiia tartylǵan, sonyń ishinde jeke investitsiialar 15,7 paiyzǵa kóbeigenin jetkizdi. Oblystyń ónerkásip óndirisinde 533 kásiporyn jumys istese, munda 26,6 myń adam turaqty túrde jumys isteidi.
Oblysta aýyl sharýashylyǵynyń jalpy ónimi 1,7 paiyzǵa ósken. Onyń ishinde egin alqaby 1,9 myń gektarǵa ulǵaiǵan, al qant qyzylshasyn ósiretin jer kólemi 2 ese artyp, 8,7 myń gektarǵa jetkenin ákim alǵa tartty.
Jetisý oblysy ákimi Prezidentke Aqsý qant zaýytyna tolyq jóndeý júrgizilip, iske qosylǵany týraly aitty. Kóksý qant zaýyty 70 myń tonna qant óndirgen. Búginde eki qant zaýyty 280 sharýashylyqtan 205 myń tonnadan astam shikizat qabyldaǵan. Onyń 56 myń tonnasy óńdelip, 7 myń tonna qant alynǵan. Kezdesýde oblys basshysy aimaqtaǵy sý júiesin qaita jańartý jáne salý úshin 22 jobanyń iske asyrylyp jatqany týraly baiandaldy. Al 22 eldi meken, sonyń ishinde Taldyqorǵan qalasyna gaz qubyry tartylyp, 288 myń adam kógildir otynmen qamtylǵan. Biyl 20 eldi mekende qurylys-montajdaý jumystary júrgizilip jatyr.
Jetisý oblysynda 2023-2025 jyldary 8,8 myń oryndyq 16 jańa mektep salý josparlanǵan, sonyń ishinde 6600 oryndyq 7 oqý ordasy «Jaily mektep» ulttyq jobasy aiasynda salynady jáne 1800 oryndyq 2 mekteptiń qurylysy biyl bastalǵan. Al densaýlyq saqtaý salasy boiynsha 8 nysannyń qurylysy júrgizilip jatyr. Jergilikti biýdjet esebinen 21 blokty-modýldi keshen salynǵan. «Aýyldyq densaýlyq saqtaýdy jańǵyrtý» ulttyq jobasy aiasynda 2025 jylǵa deiin taǵy 59 nysan salý josparlanǵan.
Mádeniet salasynda 5 nysannyń qurylysy júrgizilip, taǵy 8 nysan kúrdeli jóndeýden ótkizilip jatyr. Sonymen qatar biyl oblysta 14 sport nysany salynyp jatqany jóninde aitty. Sonymen birge jergilikti biýdjet esebinen 3 blokty-modýldy keshen salynady. Al demeýshiler esebinen Taldyqorǵan qalasynda jyl boiy jumys isteitin «Jetysu Arena» jabyq sport kesheni iske qosylǵan. Bul keshenge 867 million teńge investitsiia salynǵan.
Qasym-Jomart Toqaev oblystyń damý qarqynyn oń baǵalap, osy baǵyttaǵy jumystardy odan ári jalǵastyrýdy tapsyrdy.
