2025 jyldyń 1–15 jeltoqsan aralyǵynda "Zań jáne tártip" jalpyulttyq qaǵidaty aiasynda qarjylai qaýipsizdik deńgeiin arttyrýǵa baǵyttalǵan "Qarzhy Saqshysy" respýblikalyq kompiýterlik oiyny ótkizildi, dep habarlaidy Dalanews.kz.
Joba Qazaqstan Respýblikasy Oqý-aǵartý ministrliginiń qoldaýymen Qarjylyq monitoring agenttigi jáne AML Academy birlesip júzege asyrdy.
Interaktivti formatta qatysýshylar qarjylyq táýekelderdi anyqtap, virtýaldy qarajatty basqardy jáne qarjylyq qaýipsizdikke qatysty tapsyrmalardy oryndady. Oqýshylar dropperliktiń belgilerin, qarjylyq piramidalardy anyqtaýdy jáne fishingtik saittardy shynaiy saittardan ajyratýdy úirendi.
Oiynǵa Qazaqstannyń barlyq óńirinen 800 myńnan astam 10–11 synyp oqýshysy men kolledjderdiń 1–2 kýrs stýdentteri qatysty. Joba qorytyndysy boiynsha jeńimpazdar qundy syilyqtarmen marapattalady.
"Qarzhy Saqshysy" qarjylai turǵydan saýatty ári jaýapty urpaqty qalyptastyrý jolyndaǵy mańyzdy qadamǵa ainalyp, qarjylyq qaýipsizdik salasyndaǵy bilimdi arttyrýǵa baǵyttalǵan turaqty dástúr retinde jyl saiyn ótkiziletin bolady.
