2025 جىلدىڭ 1–15 جەلتوقسان ارالىعىندا "زاڭ جانە ءتارتىپ" جالپىۇلتتىق قاعيداتى اياسىندا قارجىلاي قاۋىپسىزدىك دەڭگەيىن ارتتىرۋعا باعىتتالعان "Qarzhy Saqshysy" رەسپۋبليكالىق كومپيۋتەرلىك ويىنى وتكىزىلدى، دەپ حابارلايدى Dalanews.kz.
جوبا قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن قارجىلىق مونيتورينگ اگەنتتىگى جانە AML Academy بىرلەسىپ جۇزەگە اسىردى.
ينتەراكتيۆتى فورماتتا قاتىسۋشىلار قارجىلىق تاۋەكەلدەردى انىقتاپ، ۆيرتۋالدى قاراجاتتى باسقاردى جانە قارجىلىق قاۋىپسىزدىككە قاتىستى تاپسىرمالاردى ورىندادى. وقۋشىلار دروپپەرلىكتىڭ بەلگىلەرىن، قارجىلىق پيراميدالاردى انىقتاۋدى جانە فيشينگتىك سايتتاردى شىنايى سايتتاردان اجىراتۋدى ۇيرەندى.
ويىنعا قازاقستاننىڭ بارلىق وڭىرىنەن 800 مىڭنان استام 10–11 سىنىپ وقۋشىسى مەن كوللەدجدەردىڭ 1–2 كۋرس ستۋدەنتتەرى قاتىستى. جوبا قورىتىندىسى بويىنشا جەڭىمپازدار قۇندى سىيلىقتارمەن ماراپاتتالادى.
"Qarzhy Saqshysy" قارجىلاي تۇرعىدان ساۋاتتى ءارى جاۋاپتى ۇرپاقتى قالىپتاستىرۋ جولىنداعى ماڭىزدى قادامعا اينالىپ، قارجىلىق قاۋىپسىزدىك سالاسىنداعى ءبىلىمدى ارتتىرۋعا باعىتتالعان تۇراقتى ءداستۇر رەتىندە جىل سايىن وتكىزىلەتىن بولادى.
