Onyń aitýynsha munyń artynda el ishine iritki salǵysy keletin arandatýshylar tur.
"Qazir memleket aýqymdy jumys júrgizip jatyr.
Prezident ákimshiligi, úkimet pen ákimdikter - úlken shtab. Adamdar jumysynda qonady dep aitýǵa bolady.
Sondyqtan jalǵan aqparatqa senbeýge shaqyramyn. Ózderińizdi de, bizdi de túrli sybystarǵa bailanysty jumystan bólmeńiz", - dep jazdy ol Facebook-tegi paraqshasynda.
Buǵan deiin jýrnalist Gúlnar Bájkenova ózine "prezident otstavkaǵa ketetini" týraly habar jetkenin jazǵan bolatyn.
Eske sala ketsek, Qasym-Jomart Toqaev 2019 jyldyń 20 naýryzynda Qazaqstan prezidenti qyzmetine kiristi. 19 naýryzda Nursultan Nazarbaev ókilettigin toqtatqan edi.
Budan buryn Prezident keńesshisi "Táýelsizdik pen el tutastyǵynan eshnárse joǵary emes" degen pikir bildirgen.
"Qazaq saiasatynyń bir ereksheligi – bilikshil nemese oppozitsiiashyl, ońshyl nemese solshyl bolsyn, saiasatta júrgen tulǵalardy memleketshil nemese memleketshil emes dep baǵalaimyz.
Bul neni ańǵartady? Bul qoǵamda sondai ustanymnyń baryn kórsetedi.
Iaǵni, eger qoǵam belgili bir tulǵalar biliktiń qai jaǵynda júrse de, oǵan memleketshil dep baǵa berse, onda árbir qarapaiym azamat bul tulǵadan memlekettilik qundylyqtarǵa berik bolǵanyn qalaityndyǵynda.
Osyndai ustanym saqtala berse, biz árqashanda memleket bolyp qala beremiz. Qazaqtyń jeri aqyrzamanǵa deiin qazaqtyń jeri bolyp qalady", – degen bolatyn Erlan Qarin.
