Qarin Qazaqstannyń qazirgi júiesi shyn máninde qandai júie ekenine egjei-tegjeili toqtalyp ótti:
"Qos bilik" tóńiregindegi áńgimelerge qatysty oiymdy bildire ketýdi jón kórdim.
Osy aptada, osy kúnderi kóp talqylanǵan, jii aitylǵan taqyryptyń biri – qos bilik. Birden basyn ashyp aitaiyn, qos bilik týraly qaýeset negizsiz, alyp-qashpa áńgimeler. Nege? Óitkeni Ata zańymyzdyń irgetasy sanalatyn negizgi ustyndary men ustanymdary ózgergen joq, ózgermeidi de.
Ata zańymyzdyń 2 babyna sáikes Qazaqstan Respýblikasy prezidenttik basqarý nysanyndaǵy birtutas memleket.
Konstitýttsiiamyzdyń 40 baby 1 tarmaǵyna úńiler bolsańyz munda bylai dep jazylǵan:
Qazaqstan Respýblikasynyń Prezidenti – memlekettiń basshysy, memlekettiń ishki jáne syrtqy saiasatynyń negizgi baǵyttaryn aiqyndaityn, el ishinde jáne halyqaralyq qatynastarda Qazaqstannyń atynan ókildik etetin eń joǵary laýazymdy tulǵa.
Bylaisha aitqanda bizdegi biliktiń barlyq quziretin qolynda ustaǵan, ielengen, halyq tarapynan sailanǵan Prezident, Memleket basshysy, Joǵarǵy bas qolbasshy jáne barshamen biraýyzdan moiyndalǵan Ulttyq lider.
Munyń ara-jigin aiyrý asa qiyn emes. Ata zańymyzǵa úńiler bolsańyz, barlyǵy taiǵa tańba basqandai jazylǵan, biliktiń saiasi qurylym men atqarý júiesi Konstitýttsiiamyzda nyq, anyq kórsetilgen.
Elbasy, Qazaqstan Respýblikasynyń Tuńǵysh Prezidenti Nursultan Nazarbaevtyń ózi de "barshamyzǵa ortaq maqsat-mindet – jańadan sailanǵan Prezidentti qoldap, demep, kómek kórsetý" ekendigin bir emes, birneshe ret aitqan bolatyn.
Atap aitqanda mamyrda ótken Astana ekonomikalyq forýmynda Nazarbaev: "bizde bir ǵana prezident bar jáne barlyǵymyz sonyń tóńireginde toptasýymyz kerek" dep kesip aitty.
Jaqynda Májiliste ótken Nur Otan partiiasy fraktsiiasynyń otyrysynda Elbasy elitany, intelligentsiiasy, buqarany Qasym-Jomart Toqaevtyń ainalysyna jumyldyrý qajettigin taǵy da bir ret qaitalap aitty.
Tuńǵysh Prezident, Elbasy Nursultan Nazarbaev jańa Prezidenttiń baǵyt-baǵdaryna qoǵamnyń jáne elitanyń keń qoldaýyn qamtamasyz etý úshin osy kúnge deiingi barlyq tájiribesi men saiasi qajyr-qairatyn paidalanýda.
Iaǵni, Prezidenttik bilik qazaqstandyq saiasi júieniń ózegi boldy, bolyp qala beredi de.
Ortalyqtandyrylǵan vertikal men ýnitarlyq bizdiń memlekettiń saiasi qurylymynyń myzǵymaityn saiasi qaǵidasy.
Al endi memlekettik bilik organdary júiesindegi kadr saiasaty keibir máseleleri týraly Prezidenttik jarlyqqa keletin bolsaq,
bul jarlyq Prezident pen Elbasy institýttaryna emes, ol kóbine Prezident ákimshiligi men Qaýipsizdik keńesiniń apparattary arasyndaǵy ishki árekettesý júiesin biryńǵailaýǵa qatysty, demek bul jái ǵana protsedýralyq, tehnikalyq másele.
Bul mehanizmder aiaq astynan, kenetten qabyldanyp otyrǵan joq. Ol Qaýipsizdik keńesi týraly jańa zańnyń erejeleri 2018 jyly jazylǵan bolatyn.
Qazir bar bolǵany qabyldanǵan normalardy sáikestendirýge baǵyttalǵan jumystar júrgizilip jatyr. Biraq kadrlyq saiasattyń negizgi printsipteri, mehanizmderi ózgermeidi, saqtalady.
Sáikesinshe qazirgi praktika Prezidentke óz betimen qandai da bolmasyn derbes sheshim qabyldaýǵa kedergi keltirmeidi. Qazaqstannyń bilik júiesi naqty qurylymdanǵan jáne birtutas. Eshqandai qos bilik, ekige jarylý, bóliný joq.
Memlekettik apparat ortaq tártipke sáikes tiianaqty, júieli jumys isteýde. Muny sheteldik áriptester de moiyndap otyr.
Mysaly jýyrda AQSh-tyń Qazaqstandaǵy elshisi Ýiliam Mozer myrza "Azattyq" radiosyna bergen suhbatynda Qazaqstanda qos bilik ornamaǵanyn naqty aitqan bolatyn.
"Prezident Qasym-Jomart Toqaevtyń ákimshiligimen qarym-qatynasymyz óte jaqsy. Onyń Qazaqstandaǵy jaǵdaidy jaqsartý maqsatynda usynǵan bastamalaryn júzege asyrý úshin birigip jumys istep jatyrmyz. Biz Qazaqstanda qos bilik bar dep eseptemeimiz", – dedi AQSh elshisi.
Bul sheteldik áriptesterimizdiń pikiri. Jalpy memlekettik saiasat sol tártippen júzege asyrylýda. Buryn bastalǵan reformalar jalǵasyp, jańa baǵdarlamalar ázirlenýde. Osynyń bárin burmalap, basqasha etip kórsetýge tyrysatyn áldebireýler bar. Biraq onyń bári de beker.
Bizde ortaq strategiia, ortaq jospar jáne ortaq basymdyqtar aiqyndalǵan. Solarǵa sáikes qazirgi betalys baǵdarynan aýyspai, jumystar jalǵasady", – dedi Erlan Qarin.
Aita ketelik budan buryn aqparat quraldarynda Toqaevtyń 2019 jylǵy 9 qazandaǵy “Qazaqstan Respýblikasy Prezidentiniń keibir aktilerine ózgerister men tolyqtyrýlar engizý týraly” Jarlyǵy jariialanǵan.
Oǵan sáikes, qazirgi Prezident birqatar taǵaiyndaýlardy Qazaqstan Respýblikasynyń Tuńǵysh Prezidenti Elbasymen, Qazaqstan Respýblikasy Qaýipsizdik Keńesiniń tóraǵasy Nursultanov Nazarbaevpen aldyn ala kelisip, jasaidy delingen.
Atap aitqanda, Elbasy, Qaýipsizdik Keńesiniń basshysy, Prezidenttiń taǵaiyndaityn nemese olarmen ózara kelisilip, Prezidenttiń usynysy boiynsha, sondai-aq onyń ákimshiligimen kelisilip taǵaiyndalatyn saiasi memlekettik qyzmetkerlerdiń tizimi jańartyldy.
"Mańyzdy qyzmetter boiynsha taǵaiyndaýlardy Qazaqstan Respýblikasynyń Tuńǵysh Prezidentimen qazirgi Memleket basshysy kelisip otyryp, jasaityn bolady.
Olarǵa Bas prokýror, Ulttyq banktiń tóraǵasy, UQK basshysy jáne ministrler jatady. Mine, bulardy Memleket basshysy Qaýipsizdik Keńesiniń tóraǵasymen kelise otyryp taǵaiyndaidy. Bul tizimge Syrtqy ister, qorǵanys jáne ishki ister ministrlik basshylary kirmeidi.
Odan bólek oblystardyń, respýblikalyq mańyzy bar qalalardyń jáne astana ákimderiniń, sondai-aq tikelei Prezidentke baǵynatyn jáne esep beretin organ basshylary da osy tásilmen taǵaiyndalady", – dep jazylǵan edi Jarlyqta.
https://youtu.be/iVeR4XUCBSg
