Halyq sany kóp Túrkistan oblysynda úsh aýsymdy mektepterdiń sanyn qysqartyp, jańa bilim berý oshaqtaryn salý mańyzdy máselelerdiń biri. Bul baǵytta oblysta qyzý jumystar atqarylyp jatyr. Kentaý qalasyna qarasty Qarnaq aýyldyq okýrgindegi jas jetkinshekter de qazir úsh aýysymdy mektepte bilim alyp júr. Keler jyldan bastap bul másele túbegeıli sheshimin tabady. «Ahyn-týma» mektebiniń oqýshylary eski bilim uıasynyń janynan jańa mekteptiń irge tasy qalanyp jatqanyna dán rıza. Búginde qurylys jumystarynyń sapasyn tapsyrys berýshiler jiti nazarǵa alǵan.

Asyr salyp júgirgen oıyn balalary myna eski mekteptiń oqýshylary. Bilim nysany tar bolǵandyqtan dene shynyqtyrý páni ashyq aspan astynda ótedi. Degenmen balalar kóz aldarynda boı kóterip kele jatqan 300 oryndy zamanaýı mektepti kórip baqytty bolashaqqa senimmen qaraýda. Kentaý qalalyq qurylys bóliminiń mamandary da bilim uıasynyń sapaly bolýyn barynsha qadaǵalaýda. Óz kezeginde Kentaý qalalyq qurylys bóliminiń bas mamany Orynbek Tyndybaev:

– Mekteptiń qurylys jumystaryna negizinen elimizde jasalynǵan qurylys materıaldary paıdalanýda. Baǵasy men sapasy tıimdi bolǵasyn qurlysshylar otandyq ónimdi alyp keledi,  – dedi.

Al nysannyń basyna arnaıy barǵan «Atameken» kásipkerlik palatasynyń mamandary merdigerlerge taǵyda otandyq ónimdi nasıhattap, ózderiniń  usynystaryn jetkizdi.

Bilim uıasynyń smetalyq quny 853 mln teńge. Bıyl mamyr aıynda irge tasy qalanǵan mektepti 2019-shy jyldyń qyrkúıek aıynda tapsyrý josparlanǵan. Ázirge sharýalar kestege saı atqarylýda. Qarnaqtyq balalar keler jyly zamanaýı, záýlim mektepte bilim alatyn bolady.