Qarnaqta jańa mektep boi kóterip keledi
Asyr salyp júgirgen oiyn balalary myna eski mekteptiń oqýshylary. Bilim nysany tar bolǵandyqtan dene shynyqtyrý páni ashyq aspan astynda ótedi. Degenmen balalar kóz aldarynda boi kóterip kele jatqan 300 oryndy zamanaýi mektepti kórip baqytty bolashaqqa senimmen qaraýda. Kentaý qalalyq qurylys bóliminiń mamandary da bilim uiasynyń sapaly bolýyn barynsha qadaǵalaýda. Óz kezeginde Kentaý qalalyq qurylys bóliminiń bas mamany Orynbek Tyndybaev:
– Mekteptiń qurylys jumystaryna negizinen elimizde jasalynǵan qurylys materialdary paidalanýda. Baǵasy men sapasy tiimdi bolǵasyn qurlysshylar otandyq ónimdi alyp keledi, – dedi.
Al nysannyń basyna arnaiy barǵan «Atameken» kásipkerlik palatasynyń mamandary merdigerlerge taǵyda otandyq ónimdi nasihattap, ózderiniń usynystaryn jetkizdi.
Bilim uiasynyń smetalyq quny 853 mln teńge. Biyl mamyr aiynda irge tasy qalanǵan mektepti 2019-shy jyldyń qyrkúiek aiynda tapsyrý josparlanǵan. Ázirge sharýalar kestege sai atqarylýda. Qarnaqtyq balalar keler jyly zamanaýi, záýlim mektepte bilim alatyn bolady.
