حالىق سانى كوپ تۇركىستان وبلىسىندا ءۇش اۋسىمدى مەكتەپتەردىڭ سانىن قىسقارتىپ، جاڭا ءبىلىم بەرۋ وشاقتارىن سالۋ ماڭىزدى ماسەلەلەردىڭ ءبىرى. بۇل باعىتتا وبلىستا قىزۋ جۇمىستار اتقارىلىپ جاتىر. كەنتاۋ قالاسىنا قاراستى قارناق اۋىلدىق وكۋرگىندەگى جاس جەتكىنشەكتەر دە ءقازىر ءۇش اۋىسىمدى مەكتەپتە ءبىلىم الىپ ءجۇر. كەلەر جىلدان باستاپ بۇل ماسەلە تۇبەگەيلى شەشىمىن تابادى. «احىن-تۋما» مەكتەبىنىڭ وقۋشىلارى ەسكى ءبىلىم ۇياسىنىڭ جانىنان جاڭا مەكتەپتىڭ ىرگە تاسى قالانىپ جاتقانىنا ءدان ريزا. بۇگىندە قۇرىلىس جۇمىستارىنىڭ ساپاسىن تاپسىرىس بەرۋشىلەر ءجىتى نازارعا العان.

اسىر سالىپ جۇگىرگەن ويىن بالالارى مىنا ەسكى مەكتەپتىڭ وقۋشىلارى. ءبىلىم نىسانى تار بولعاندىقتان دەنە شىنىقتىرۋ ءپانى اشىق اسپان استىندا وتەدى. دەگەنمەن بالالار كوز الدارىندا بوي كوتەرىپ كەلە جاتقان 300 ورىندى زاماناۋي مەكتەپتى كورىپ باقىتتى بولاشاققا سەنىممەن قاراۋدا. كەنتاۋ قالالىق قۇرىلىس ءبولىمىنىڭ ماماندارى دا ءبىلىم ۇياسىنىڭ ساپالى بولۋىن بارىنشا قاداعالاۋدا. ءوز كەزەگىندە كەنتاۋ قالالىق قۇرىلىس ءبولىمىنىڭ باس مامانى ورىنبەك تىندىبايەۆ:

– مەكتەپتىڭ قۇرىلىس جۇمىستارىنا نەگىزىنەن ەلىمىزدە جاسالىنعان قۇرىلىس ماتەريالدارى پايدالانۋدا. باعاسى مەن ساپاسى ءتيىمدى بولعاسىن قۇرلىسشىلار وتاندىق ءونىمدى الىپ كەلەدى،  – دەدى.

ال نىساننىڭ باسىنا ارنايى بارعان «اتامەكەن» كاسىپكەرلىك پالاتاسىنىڭ ماماندارى مەردىگەرلەرگە تاعىدا وتاندىق ءونىمدى ناسيحاتتاپ، وزدەرىنىڭ  ۇسىنىستارىن جەتكىزدى.

ءبىلىم ۇياسىنىڭ سمەتالىق قۇنى 853 ملن تەڭگە. بيىل مامىر ايىندا ىرگە تاسى قالانعان مەكتەپتى 2019-شى جىلدىڭ قىركۇيەك ايىندا تاپسىرۋ جوسپارلانعان. ازىرگە شارۋالار كەستەگە ساي اتقارىلۋدا. قارناقتىق بالالار كەلەر جىلى زاماناۋي، ءزاۋلىم مەكتەپتە ءبىلىم الاتىن بولادى.