قارناقتا جاڭا مەكتەپ بوي كٶتەرٸپ كەلەدٸ
اسىر سالىپ جٷگٸرگەن ويىن بالالارى مىنا ەسكٸ مەكتەپتٸڭ وقۋشىلارى. بٸلٸم نىسانى تار بولعاندىقتان دەنە شىنىقتىرۋ پەنٸ اشىق اسپان استىندا ٶتەدٸ. دەگەنمەن بالالار كٶز الدارىندا بوي كٶتەرٸپ كەلە جاتقان 300 ورىندى زاماناۋي مەكتەپتٸ كٶرٸپ باقىتتى بولاشاققا سەنٸممەن قاراۋدا. كەنتاۋ قالالىق قۇرىلىس بٶلٸمٸنٸڭ ماماندارى دا بٸلٸم ۇياسىنىڭ ساپالى بولۋىن بارىنشا قاداعالاۋدا. ٶز كەزەگٸندە كەنتاۋ قالالىق قۇرىلىس بٶلٸمٸنٸڭ باس مامانى ورىنبەك تىندىباەۆ:
– مەكتەپتٸڭ قۇرىلىس جۇمىستارىنا نەگٸزٸنەن ەلٸمٸزدە جاسالىنعان قۇرىلىس ماتەريالدارى پايدالانۋدا. باعاسى مەن ساپاسى تيٸمدٸ بولعاسىن قۇرلىسشىلار وتاندىق ٶنٸمدٸ الىپ كەلەدٸ, – دەدٸ.
ال نىساننىڭ باسىنا ارنايى بارعان «اتامەكەن» كەسٸپكەرلٸك پالاتاسىنىڭ ماماندارى مەردٸگەرلەرگە تاعىدا وتاندىق ٶنٸمدٸ ناسيحاتتاپ, ٶزدەرٸنٸڭ ۇسىنىستارىن جەتكٸزدٸ.
بٸلٸم ۇياسىنىڭ سمەتالىق قۇنى 853 ملن تەڭگە. بيىل مامىر ايىندا ٸرگە تاسى قالانعان مەكتەپتٸ 2019-شى جىلدىڭ قىركٷيەك ايىندا تاپسىرۋ جوسپارلانعان. ەزٸرگە شارۋالار كەستەگە ساي اتقارىلۋدا. قارناقتىق بالالار كەلەر جىلى زاماناۋي, زەۋلٸم مەكتەپتە بٸلٸم الاتىن بولادى.
