Kelesi jyly «Báiterek» ulttyq investitsiialyq holdingi ekonomikany kreditteýge shamamen 8 trln teńge baǵyttaýdy josparlap otyr. Alaida, mundai qomaqty qarajat infliatsiiany jedeldetip, fiskaldyq saiasattyń josparlanǵan nátijelerine túzetýler engizýi yqtimal.
«Báiterekte banktermen birdei kredit berý, kepildendirý, saqtandyrý quraldary bar, biraq tolyqqandy retteý joq. Qarjy institýttary arasynda báseke ádil bolýy úshin erejeler barynsha uqsas bolýy qajet», – deidi, Ulttyq Bank tóraǵasy Timýr Súleimenov.
Ulttyq Banktiń pikirin birqatar ekspertter qoldap otyr. Qarjylyq keńesshi, Qazaq Expert Club múshesi Janiia Sandybai "Memlekettik kepildikke súienetin holding tómen paiyzben kredit bere alady, bul jeke bankter úshin naryqtyq teńsizdik týǵyzady. Sonymen qatar, tiimsiz jobalar kóbeise, holdingti qaita kapitaldandyrý qajettiligi týǵan saiyn jasyryn memlekettik qaryz ósedi" deidi.
Ekonomist Gúlfairýz Júnisbekovanyń sózinshe, 8 trln teńgeniń qysqa merzimde ekonomikaǵa túsýi infliatsiialyq qysymdy aitarlyqtai arttyrady. Sol sebepti, mundai sharalardy saqtyqpen qabyldaǵan jón.
