كەلەسٸ جىلى «بەيتەرەك» ۇلتتىق ينۆەستيتسييالىق حولدينگٸ ەكونوميكانى كرەديتتەۋگە شامامەن 8 ترلن تەڭگە باعىتتاۋدى جوسپارلاپ وتىر. الايدا, مۇنداي قوماقتى قاراجات ينفلياتسييانى جەدەلدەتٸپ, فيسكالدىق ساياساتتىڭ جوسپارلانعان نەتيجەلەرٸنە تٷزەتۋلەر ەنگٸزۋٸ ىقتيمال.
«بەيتەرەكتە بانكتەرمەن بٸردەي كرەديت بەرۋ, كەپٸلدەندٸرۋ, ساقتاندىرۋ قۇرالدارى بار, بٸراق تولىققاندى رەتتەۋ جوق. قارجى ينستيتۋتتارى اراسىندا بەسەكە ەدٸل بولۋى ٷشٸن ەرەجەلەر بارىنشا ۇقساس بولۋى قاجەت», – دەيدٸ, ۇلتتىق بانك تٶراعاسى تيمۋر سٷلەيمەنوۆ.
ۇلتتىق بانكتٸڭ پٸكٸرٸن بٸرقاتار ەكسپەرتتەر قولداپ وتىر. قارجىلىق كەڭەسشٸ, Qazaq Expert Club مٷشەسٸ جانييا ساندىباي "مەملەكەتتٸك كەپٸلدٸككە سٷيەنەتٸن حولدينگ تٶمەن پايىزبەن كرەديت بەرە الادى, بۇل جەكە بانكتەر ٷشٸن نارىقتىق تەڭسٸزدٸك تۋعىزادى. سونىمەن قاتار, تيٸمسٸز جوبالار كٶبەيسە, حولدينگتٸ قايتا كاپيتالداندىرۋ قاجەتتٸلٸگٸ تۋعان سايىن جاسىرىن مەملەكەتتٸك قارىز ٶسەدٸ" دەيدٸ.
ەكونوميست گٷلفايرۋز جٷنٸسبەكوۆانىڭ سٶزٸنشە, 8 ترلن تەڭگەنٸڭ قىسقا مەرزٸمدە ەكونوميكاعا تٷسۋٸ ينفلياتسييالىق قىسىمدى ايتارلىقتاي ارتتىرادى. سول سەبەپتٸ, مۇنداي شارالاردى ساقتىقپەن قابىلداعان جٶن.
