«Qarjy tolyq qaitarylady». Kelimbetov Ázirbaijan bankine salǵan qarjyny qaitarmaqshy.
– Adamdardyń zeinetaqy aqshasy týraly ýaiymy osymen seiiledi dep oilaimyn. Investitsiia tolyq qaitarylady. Men qaryzdyń ońtailandyrylýyna qatysyp jatyrmyn. Bundai jumysta tájiribesi bar adamdar Qazaqstanda az. Sondyqtan Úkimet maǵan qolqa saldy, – dedi Qairat Kelimbetov.
Qaryzdy bankten Ázirbaijan úkimetke júkteý boiynsha daýys berý jaqyn kúnderi ótpek. Halyqtyń 71 mlrd teńge zeinetaqy jinaǵy kezinde Ázirbaijan bankine Kelimbetovtyń óziniń pármen berýimen salynǵany belgili. Osy keleńsiz jáitten keiin, Ulttyq bank endi jekemenshik zeinetaqy qorlaryn qaitarmaq niette. Qazir tiisti usynys úkimettiń qaraýynda. Dese de, Biryńǵai zeinetaqy jinaqtaýshy qory halyq aqshasyn bir qolda ustaý quqyǵyn ózine qaldyryp otyr. Salymshylar qormen arnaiy kelisim jasap, zeinetaqy aqshasyn Ulttyq bank arqyly alyp shyǵyp, jekege salady. Bas bankir Daniiar Aqyshev básekeli ortada da halyq aqshasynyń talan-tarajǵa túspeýin qatań qadaǵalaimyz dep sendirip otyr.
https://dalanews.kz/27169
