Qazaqstannyń qarjy naryǵynyń ókilderi teńge baǵamy boiynsha boljamdaryn kúrt nasharlatý turǵysynda qaita qarady. Sarapshylar qyrkúiek aiynyń basynda 1 AQSh dollarynyń baǵamy 541,7 teńge, al bir jyldan keiin 573 teńge bolady dep esepteidi. Al aldyńǵy boljamdan kúzde amerikalyq valiýta baǵamy 523,4 teńge, 2026 jyly 548,5 teńge bolady delingen edi, dep habarlaidy Dalanews.kz.
Qazaqstan qarjygerleri qaýymdastyǵynyń 2025 jyly tamyzda qarjy naryǵy ókilderi arasynda júrgizgen saýalnama nátijesi osyndai boljamdy usynady.
"Boljam valiýta naryǵynyń irgeli faktorlarǵa negizdelmegen qatty qubylmalylyǵy, saýda balansynyń profitsitiniń tómendeý yqtimaldylyǵy, shetel valiýtasyna degen ishki suranystyń ósimi jáne shikizat naryqtaryndaǵy turaqsyz baǵa dinamikasy aiasynda nasharlady", delingen qaýymdastyq habarlamasynda.
Jańa boljamǵa sáikes, sarapshylar taýarlar men qyzmetter baǵasy bir jylda 11,3% ósimdi kórsetedi dep kútedi. Shilde aiynda jyldyq infliatsiialyq boljam 10,4%-dy qurady.
"Baǵa ósiminiń jedeldeý qaýpi salyq júktemesiniń ulǵaiýy, biznes (kólik, logistika, shikizat) shyǵyndarynyń túpkilikti tutynýshylarǵa túsýi jáne teńgeniń álsireýi nátijesinde importtyq taýarlardyń qymbattaýy aiasynda oryn alady", – deidi QQQ sarapshylary.
Qaýymdastyq júrgizgen saýalnamaǵa qatysqan sarapshylardyń kópshiligi jýyrda elimizde bazalyq mólsherleme kóterilmeidi jáne bir jyldan keiin ol 15,25% -dy quraýy múmkin degen pikirde. Sondai-aq bir jyldan keiin qazir 67 dollar turatyn Brent munaiynyń bir barreliniń quny 66,5 dollar bolady dep sanaidy.
"OPEK+ elderiniń munai óndirisin ulǵaitýymen bir mezgilde AQSh-tyń saýda saiasatynda oryn alǵan dúdamal jaǵdai "qara altyn" baǵasyna túsetin qysymdy bosatpai ustap tur. Ýkrainadaǵy soǵysty retteý boiynsha AQSh pen Resei arasyndaǵy dialog progresi aiasynda Resei Federatsiiasy munai tasymalyna qatysty alańdaýshylyqty tómendetip, qosymsha faktor rólin atqarýda", delingen habarlamada.
Buǵan deiin saitymyzda "AERC sarapshylary teńge baǵamyna qatysty boljamdy nasharlatý turǵysynda qaita qarady" degen maqala jariialanǵan bolatyn.
