قازاقستاننىڭ قارجى نارىعىنىڭ ٶكٸلدەرٸ تەڭگە باعامى بويىنشا بولجامدارىن كٷرت ناشارلاتۋ تۇرعىسىندا قايتا قارادى. ساراپشىلار قىركٷيەك ايىنىڭ باسىندا 1 اقش دوللارىنىڭ باعامى 541,7 تەڭگە, ال بٸر جىلدان كەيٸن 573 تەڭگە بولادى دەپ ەسەپتەيدٸ. ال الدىڭعى بولجامدان كٷزدە امەريكالىق ۆاليۋتا باعامى 523,4 تەڭگە, 2026 جىلى 548,5 تەڭگە بولادى دەلٸنگەن ەدٸ, دەپ حابارلايدى Dalanews.kz.
قازاقستان قارجىگەرلەرٸ قاۋىمداستىعىنىڭ 2025 جىلى تامىزدا قارجى نارىعى ٶكٸلدەرٸ اراسىندا جٷرگٸزگەن ساۋالناما نەتيجەسٸ وسىنداي بولجامدى ۇسىنادى.
"بولجام ۆاليۋتا نارىعىنىڭ ٸرگەلٸ فاكتورلارعا نەگٸزدەلمەگەن قاتتى قۇبىلمالىلىعى, ساۋدا بالانسىنىڭ پروفيتسيتٸنٸڭ تٶمەندەۋ ىقتيمالدىلىعى, شەتەل ۆاليۋتاسىنا دەگەن ٸشكٸ سۇرانىستىڭ ٶسٸمٸ جەنە شيكٸزات نارىقتارىنداعى تۇراقسىز باعا ديناميكاسى اياسىندا ناشارلادى", دەلٸنگەن قاۋىمداستىق حابارلاماسىندا.
جاڭا بولجامعا سەيكەس, ساراپشىلار تاۋارلار مەن قىزمەتتەر باعاسى بٸر جىلدا 11,3% ٶسٸمدٸ كٶرسەتەدٸ دەپ كٷتەدٸ. شٸلدە ايىندا جىلدىق ينفلياتسييالىق بولجام 10,4%-دى قۇرادى.
"باعا ٶسٸمٸنٸڭ جەدەلدەۋ قاۋپٸ سالىق جٷكتەمەسٸنٸڭ ۇلعايۋى, بيزنەس (كٶلٸك, لوگيستيكا, شيكٸزات) شىعىندارىنىڭ تٷپكٸلٸكتٸ تۇتىنۋشىلارعا تٷسۋٸ جەنە تەڭگەنٸڭ ەلسٸرەۋٸ نەتيجەسٸندە يمپورتتىق تاۋارلاردىڭ قىمباتتاۋى اياسىندا ورىن الادى", – دەيدٸ ققق ساراپشىلارى.
قاۋىمداستىق جٷرگٸزگەن ساۋالناماعا قاتىسقان ساراپشىلاردىڭ كٶپشٸلٸگٸ جۋىردا ەلٸمٸزدە بازالىق مٶلشەرلەمە كٶتەرٸلمەيدٸ جەنە بٸر جىلدان كەيٸن ول 15,25% -دى قۇراۋى مٷمكٸن دەگەن پٸكٸردە. سونداي-اق بٸر جىلدان كەيٸن قازٸر 67 دوللار تۇراتىن Brent مۇنايىنىڭ بٸر باررەلٸنٸڭ قۇنى 66,5 دوللار بولادى دەپ سانايدى.
"وپەك+ ەلدەرٸنٸڭ مۇناي ٶندٸرٸسٸن ۇلعايتۋىمەن بٸر مەزگٸلدە اقش-تىڭ ساۋدا ساياساتىندا ورىن العان دٷدامال جاعداي "قارا التىن" باعاسىنا تٷسەتٸن قىسىمدى بوساتپاي ۇستاپ تۇر. ۋكرايناداعى سوعىستى رەتتەۋ بويىنشا اقش پەن رەسەي اراسىنداعى ديالوگ پروگرەسٸ اياسىندا رەسەي فەدەراتسيياسى مۇناي تاسىمالىنا قاتىستى الاڭداۋشىلىقتى تٶمەندەتٸپ, قوسىمشا فاكتور رٶلٸن اتقارۋدا", دەلٸنگەن حابارلامادا.
بۇعان دەيٸن سايتىمىزدا "AERC ساراپشىلارى تەڭگە باعامىنا قاتىستى بولجامدى ناشارلاتۋ تۇرعىسىندا قايتا قارادى" دەگەن ماقالا جارييالانعان بولاتىن.
