18 شٸلدەدەن باستاپ قازاقستاندا تسيفرلىق تەڭگە رەسمي تٷردە زاڭدى تٶلەم قۇرالى مەرتەبەسٸنە يە بولادى. وسى كٷننەن باستاپ كٷشٸنە ەنەتٸن زاڭنامالىق ٶزگەرٸستەرگە سەيكەس, ەكٸنشٸ دەڭگەيلٸ بانكتەر موبيلدٸ قوسىمشالارىندا ازاماتتارعا تسيفرلىق ەمييان اشۋ مٷمكٸندٸگٸن ۇسىنۋعا مٸندەتتٸ, دەپ حابارلايدى dalanews.kz.
تسيفرلىق تەڭگەنٸڭ رەسمي ٸسكە قوسىلۋى
تسيفرلىق تەڭگەنٸڭ رەسمي «تۋعان كٷنٸ» رەتٸندە 2026 جىلدىڭ 18 شٸلدەسٸن اتاۋعا بولادى. ٶيتكەنٸ دەل وسى كٷنٸ ۇلتتىق ۆاليۋتانىڭ تسيفرلىق نىسانىن زاڭدى تٶلەم قۇرالى رەتٸندە ايقىندايتىن نورمالار كٷشٸنە ەنەدٸ.
تسيفرلىق تەڭگەگە ارنالعان ۇلتتىق تسيفرلىق قارجى ينفراقۇرىلىمى بٸرنەشە جىل بويى ەزٸرلەنٸپ, تٷرلٸ سىناقتان ٶتتٸ. وسىنداي تەجٸريبە ەۋروپالىق وداقتا, قىتايدا جەنە رەسەيدە دە قولدانىلعان.
قۇقىقتىق نەگٸز 2026 جىلعى 16 قاڭتاردا قابىلدانعان «قارجى نارىعىن, بايلانىس سالاسىن جەنە بانكروتتىقتى رەتتەۋ مەن دامىتۋ مەسەلەلەرٸ بويىنشا قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭمەن بەكٸتٸلدٸ.
زاڭنىڭ نەگٸزگٸ بٶلٸگٸ 2026 جىلعى 19 ناۋرىزدا كٷشٸنە ەنگەنٸمەن, تسيفرلىق تەڭگەگە قاتىستى نورمالار 18 شٸلدەدەن باستاپ قولدانىلادى.
تسيفرلىق تەڭگە دەگەن نە?
18 شٸلدەدەن باستاپ تسيفرلىق تەڭگە قولما-قول جەنە قولما-قول اقشاسىز ەسەپ ايىرىسۋمەن قاتار قازاقستانداعى ۇلتتىق ۆاليۋتانىڭ ٷشٸنشٸ نىسانى رەتٸندە پايدالانىلادى.
ول دا قولما-قول اقشاسىز تٶلەم سيياقتى فيزيكالىق تٷردە بولمايدى. الايدا ونىڭ باستى ايىرماشىلىعى – تسيفرلىق تەڭگەنٸ شىعارۋعا جەنە اينالىمنان شىعارۋعا تەك قازاقستان ۇلتتىق بانكٸ عانا قۇقىلى. ۇلتتىق بانك تسيفرلىق تەڭگەنٸ ازاماتتىڭ نەمەسە ۇيىمنىڭ اقشاسىنا ايىرباستاپ شىعارادى. ال تسيفرلىق تەڭگەنٸ قايتارۋ كەزٸندە ونىڭ بالاماسى تسيفرلىق شوت يەسٸنٸڭ بانك شوتىنا اۋدارىلادى.
ياعني تسيفرلىق تەڭگەنٸ تٸكەلەي قولما-قول اقشاعا اينالدىرۋ مٷمكٸن ەمەس. الدىمەن ول بانك شوتىنا اۋدارىلادى, سودان كەيٸن عانا قاجەت بولعان جاعدايدا قولما-قول اقشاعا شەشٸپ الۋعا بولادى.
بانكتەر تسيفرلىق ەمييان اشۋعا مٸندەتتەلەدٸ
جاڭا تالاپتارعا سەيكەس, ەكٸنشٸ دەڭگەيلٸ بانكتەر موبيلدٸ قوسىمشالارىندا تسيفرلىق ەمييان اشۋ قىزمەتٸن ۇسىنۋعا مٸندەتتٸ.
تسيفرلىق ەمييان ارقىلى پايدالانۋشىلار:
- تسيفرلىق شوت اشا الادى;
- تسيفرلىق تەڭگەمەن ەمييانىن تولىقتىرا الادى;
- تاۋارلار مەن قىزمەتتەردٸڭ اقىسىن تٶلەي الادى;
- اقشا اۋدارىمدارىن جٷزەگە اسىرا الادى.
زاڭعا سەيكەس, بانكتەر بۇل قىزمەتتٸ كٶرسەتۋدەن باس تارتا المايدى.
تسيفرلىق تەڭگە پلاتفورماسىنا بانكتەردەن بٶلەك, جەكەلەگەن بانك وپەراتسييالارىن جٷزەگە اسىراتىن ۇيىمدار, ورتالىق دەپوزيتاريي, قارجى مينيسترلٸگٸنٸڭ قازىناشىلىق كوميتەتٸ جەنە ۇلتتىق بانك ايقىندايتىن باسقا دا تٶلەم قىزمەتٸن جەتكٸزۋشٸلەر قاتىسا الادى.
تسيفرلىق تەڭگەنٸڭ باستى ەرەكشەلٸگٸ قانداي?
تسيفرلىق تەڭگەنٸڭ نەگٸزگٸ ايىرماشىلىعى – ەربٸر تسيفرلىق تەڭگەنٸڭ قوزعالىسىن باقىلاۋعا مٷمكٸندٸك بەرەتٸن ارنايى تاڭبالاۋ جٷيەسٸنٸڭ بولۋى. زاڭعا سەيكەس, «تسيفرلىق تەڭگەنٸ تاڭبالاۋ» دەگەنٸمٸز – ەربٸر تسيفرلىق تەڭگەگە ونى كەيٸننەن سەيكەستەندٸرۋگە مٷمكٸندٸك بەرەتٸن بٸرەگەي ەرٸپتٸك-ساندىق نەمەسە گرافيكالىق بەلگٸ بەرۋ.
ٶيتكەنٸ بارلىق وپەراتسييالار ۇلتتىق بانكتٸڭ تسيفرلىق پلاتفورماسىندا جٷزەگە اسىرىلادى. سونىڭ ارقاسىندا مەملەكەت ەربٸر تسيفرلىق تەڭگەنٸڭ قايدا جەنە قانداي ماقساتتا جۇمسالعانىن قاداعالاي الادى.
