Sottalǵan vaınerler Meıirjan Tórebaev pen Meıirhan Shernıazov ózderine taǵaıyndalǵan jazany jeńildetýdi surady, dep habarlaıdy Dalanews.kz Tengrinews.kz-ke siltep.

Olar sotqa tıisti ótinishterin tapsyrǵan.

Almaty qalalyq sotynyń baspasóz qyzmetiniń málimetinshe, materıaldar shynymen aýdandyq sotqa qaraýǵa jiberilgen.

"Túrksib aýdandyq sotyna jaza túrin aýystyrý boıynsha materıal tústi. Ótinishti qarastyrý jaqyn ýaqytta ótedi", – dep jaýap berdi sottyń baspasóz qyzmeti redaksıanyń saýalyna.

Eske salsaq, 2023 jyldyń maýsymynda Tórebaev pen Shernıazov qarjy (ınvestısıalyq) pıramıdasyn qurý jáne basqarý boıynsha kináli dep tanylǵan bolatyn.

Olardyń árqaısy bes jylǵa bas bostandyǵynan aıyrylǵan. Bul is boıynsha qalǵan aıyptalýshylar 8 jyldan 14 jylǵa deıingi merzimge sottaldy.

Qazan aıynyń sońynda sottalǵan vaınerler Meıirjan Tórebaev pen Meıirhan Shernıazyov Pavlodar kolonıasynan turǵylyqty mekenjaıy boıynsha Almatyǵa etappen jetkizilgeni belgili boldy.

QAJK bul jaǵdaıdy "Almaty qalasyndaǵy mekemedegi ustalatyn adamdar lımıtiniń ulǵaıýymen" túsindirdi.

Jeltoqsan aıynyń basynda QAJK sottalǵan vaınerler Meıirjan Tórebaev pen Meıirhan Shernıazyovtyń jumysqa ornalasqany týraly habarlady.