Qazaqstannyń qarjy naryǵyn retteý jáne damytý agenttigi Kaspi-ge qatysty málimdeme jasady. Esterińizde bolsa, buǵan deiin Culper Reserch zertteýinen keiin Kaspi aktsiialary quldyraǵanyn jazǵan edik. Bul synǵa finteh-kompaniia basshysy da jaýap bergen. Endi agenttiktiń resmi málimdemesin nazaryńyzǵa usynamyz.
«Kaspi — elimizdegi júieli ári turaqty damyp kele jatqan bankterdiń biri. Banktiń ashyqtyq deńgeii de joǵary. 2024 jylǵy qyrkúiektegi jaǵdaiǵa qarasaq, Kaspi aktiv mólsheri, kredit pen bank sektoryndaǵy depozit bazasy kólemi boiynsha ekinshi orynda tur. AQSh, Eýroodaq jáne basqa da shet memleketterdiń santsiialyq rejimin tolyq saqtap keledi. KYC, risk management jáne deńgeii joǵary komplaens-táýekel oreratsiialaryna qatysty ishki baqylaýdy durys júrgizý úshin turaqty túrde AQSh pen Eýroodaqtaǵy korrespondent-banktermen seriktesip jumys isteidi» dep aityldy málimdemede.
Sonymen birge Qarjy naryǵyn retteý jáne damytý agenttigi banktiń klientterdi tereńdetip tekserý, tranzaktsiialarǵa monitoriń jasaý jáne qyzmetkerlerdi oqytý degen syńaily áreketter arqyly táýekelderdi barynsha azaityp, qajet komplaens-protsedýralar jasap otyratynyn aityp otyr.
Buǵan deiin agenttik ekinshi deńgeili bankterde klientterdi tekserý men olardyń operatsiialaryna KYC standartyna sai monitoriń júrgizýge qatysty talap kúsheitilgen edi. Odan qala berdi bankterdiń sheteldik klientterin tekserip, olardyń sanktsiiany ainalyp ótý úshin bank qyzmetterin paidalanyp júrmegenine kóz jetkizetin monitoriń jasaý kerek degen talap ta bar.
