قازاقستاننىڭ قارجى نارىعىن رەتتەۋ جەنە دامىتۋ اگەنتتٸگٸ Kaspi-گە قاتىستى مەلٸمدەمە جاسادى. ەستەرٸڭٸزدە بولسا, بۇعان دەيٸن Culper Reserch زەرتتەۋٸنەن كەيٸن Kaspi اكتسييالارى قۇلدىراعانىن جازعان ەدٸك. بۇل سىنعا فينتەح-كومپانييا باسشىسى دا جاۋاپ بەرگەن. ەندٸ اگەنتتٸكتٸڭ رەسمي مەلٸمدەمەسٸن نازارىڭىزعا ۇسىنامىز.
«Kaspi — ەلٸمٸزدەگٸ جٷيەلٸ ەرٸ تۇراقتى دامىپ كەلە جاتقان بانكتەردٸڭ بٸرٸ. بانكتٸڭ اشىقتىق دەڭگەيٸ دە جوعارى. 2024 جىلعى قىركٷيەكتەگٸ جاعدايعا قاراساق, Kaspi اكتيۆ مٶلشەرٸ, كرەديت پەن بانك سەكتورىنداعى دەپوزيت بازاسى كٶلەمٸ بويىنشا ەكٸنشٸ ورىندا تۇر. اقش, ەۋرووداق جەنە باسقا دا شەت مەملەكەتتەردٸڭ سانتسييالىق رەجيمٸن تولىق ساقتاپ كەلەدٸ. KYC, risk management جەنە دەڭگەيٸ جوعارى كومپلاەنس-تەۋەكەل ورەراتسييالارىنا قاتىستى ٸشكٸ باقىلاۋدى دۇرىس جٷرگٸزۋ ٷشٸن تۇراقتى تٷردە اقش پەن ەۋرووداقتاعى كوررەسپوندەنت-بانكتەرمەن سەرٸكتەسٸپ جۇمىس ٸستەيدٸ» دەپ ايتىلدى مەلٸمدەمەدە.
سونىمەن بٸرگە قارجى نارىعىن رەتتەۋ جەنە دامىتۋ اگەنتتٸگٸ بانكتٸڭ كليەنتتەردٸ تەرەڭدەتٸپ تەكسەرۋ, ترانزاكتسييالارعا مونيتوريڭ جاساۋ جەنە قىزمەتكەرلەردٸ وقىتۋ دەگەن سىڭايلى ەرەكەتتەر ارقىلى تەۋەكەلدەردٸ بارىنشا ازايتىپ, قاجەت كومپلاەنس-پروتسەدۋرالار جاساپ وتىراتىنىن ايتىپ وتىر.
بۇعان دەيٸن اگەنتتٸك ەكٸنشٸ دەڭگەيلٸ بانكتەردە كليەنتتەردٸ تەكسەرۋ مەن ولاردىڭ وپەراتسييالارىنا KYC ستاندارتىنا ساي مونيتوريڭ جٷرگٸزۋگە قاتىستى تالاپ كٷشەيتٸلگەن ەدٸ. ودان قالا بەردٸ بانكتەردٸڭ شەتەلدٸك كليەنتتەرٸن تەكسەرٸپ, ولاردىڭ سانكتسييانى اينالىپ ٶتۋ ٷشٸن بانك قىزمەتتەرٸن پايدالانىپ جٷرمەگەنٸنە كٶز جەتكٸزەتٸن مونيتوريڭ جاساۋ كەرەك دەگەن تالاپ تا بار.
