Qazaqstan koronavirýspen kúresýge biýdjetten qosymsha 2 milliard teńge bóledi. Bul týraly Májilis otyrysynda QR Premer-ministriniń orynbasary - Qarjy ministri Álihan Smaiylov aitty, dep habarlaidy Dalanews.kz.
- Qazaqstan koronavirýspen kúresýge qosymsha 2 milliard teńge bóledi. Qazir qosymsha shyǵyndar josparǵa qosyldy, bizdiń azamattardy, stýdentterdi alyp shyǵýǵa bailanysty. Bul - memlekettik rezervten alynatyn josparlanǵan soma, - dedi Smailov.
Ol memlekettik rezervten bólingen qarajat koronavirýstyń taralýyna qarsy kúres jumystaryn júrgizý úshin qajetti dári-dármekter, sondai-aq meditsinalyq betperdeler, dene qyzýyn anyqtaityn qurylǵylar jáne basqa da jabdyqtardy satyp alýǵa jumsalǵanyn aitty.
Aldynda qazaqstandyqtardy koronavirýstan qorǵaýǵa el qazynasynan 1,5 mlrd teńge bólingen bolatyn.
