Sherzat Bolat isi boiynsha Taldyqorǵanda ótip jatqan sotta sottalýshy Nurbol Toqtaýbaevtan jaýap alynyp jatyr, dep habarlaidy Dalanews.kz.
"Qazannyń úshinen tórtine qaraǵan túni Talǵar qalasynda ornalasqan Eiforiia kafesinde ózimniń tanystarym Iliias, Nurqiias, Shynasyl, Abzal, Ravil, Shyńǵys jáne ózimniń baýyrym Toqtaýbaev Azamat jáne ózimmen birge ertip alǵan Dýman Ysqaq otyrdyq. Sonymen qatar buryn-sońdy kórmegen tanys emes eki qyz otyrdy. Sol ýaqytta, iaǵni 23:30-da meniń telefonyma Darhan Áskentai atty tanysym telefon shalyp, Talǵar qalasy Mendeleev kóshesinde ornalasqan "Qamajai" dúkenine kelýimdi ótindi. Men ózim bir bótelke syra iship alǵandyqtan, Dýman Ysqaqqa rólge otyr dep ótinish jasadym. Sóitip Qamajai dúkenine bardyq", - dedi ol.
Sot oǵan "ne úshin kelýin surady?" dep suraq qoidy.
"Meni bireý uryp ketti dedi", - dep jaýap qatty sottalýshy.
Sot "al siz ne úshin qajet boldyńyz?" dep surady.
"Iá, uryp ketti. Meni alyp ketshi dedi. Daýsy qobaljyp shyqty. Kómek kerek ekeni sezilip turdy. Sóitip bardym. Darhan Áskentai dúkenniń syrtynda turdy. Betinen qan aǵyp turdy. Osy sátte Darhannan suradym "sen ne istep qoidyń?" dep. Ol "dúkendegi satýshynyń balasy uryp tastady" dep qysqasha jaýap berdi. Men mán-jaidy tolyq bilý úshin "Qamajai" dúkenine kirip, Qarjaýbaidyń ózinen suradym. Sonymen ol áseniń dosyń shot tólemedi" dedi. "Men urdym, sosyn balam urdy" dedi. Sosyn jaraidy shot tólemese, men tóleiin dedim. "Qansha teńge tólemedi?" dep suradym. Ol myń teńge ekenin aitty. Men artyǵymen 1500 teńge tóledim", - dedi ol.
Sottalýshynyń qorǵaýshysy "myna jerde jábirlenýshi Qarjaýbai Nurymov sizge qandai shot tóleý kerek ekenin aitty ma?" dep surady.
"Iá, aitty. Sol jerde kaspi goldy jazylyp turdy. 1500 teńge tóledim. Biraq meniń kelgenime qarsy boldy. Pyshaq ustady, bizge atyldy. Sonymen men dosym úshin keshirim surap, golf kóligmmen Darhan Áskentai, Dýman Ysqaq úsheýmiz ketip qaldyq. Jolda Darhan Áskentai maǵan aqtalyp, óziniń telefonynan túbirtekti kórsetip, tólegenin aitty. Qaǵaz aqsha myń teńge taǵy berdim dedi. Men dúkenge qaitadan ainalyp barýǵa sheshim qabyldadym. Artyq tólegen aqshamdy qaitaryp alý úshin jáne Darhan Áskentaidyń shotty tólegenin rastaǵym keldi. Qaitadan barǵan kezde Qarjaýbai agressivti túrde pyshaq alyp oqtaldy. Bizdiń ainalyp kelgenimizge qarsy boldy. "Menimen shyq" dedi, "menimen shyqpasań, balammen shyq" dep aitty. Taǵy da pyshaq taqady. Men 1996 jylǵymyn. Buryn-sońdy sottalmaǵanmyn, máseleni ýshyqtyrmai sheship alyp, ketý kerek edik", - deidi ol.
Toqtaýbaev sol sátte Nurǵanat Ǵaiypbaevtyń áldebireýlerge qońyraý shalyp jatqanyn kórgen.
"Qarjaýbai "men seni óltiremin" dep pyshaqpen oqtaldy, men abdyrap qaldym. Keiin janymyzǵa 6-7 shaqty boishań balalar keldi. Men baýyryma habarlasyp, keiin tóbeles bastalyp ketti", - deidi ol.
