Shymkentte esirtki ósirip, satýmen ainalysqan turǵyn ustaldy, dep habarlaidy dalanews.kz.
Tergeý málimetinshe, kúdikti óz úiiniń aýmaǵynda qarasora ósirip, odan gashish pen marihýana daiyndap, satýǵa ázirlegen.
Tintý kezinde egistik arasynan quramynda esirtkisi bar shamamen 130 túp ósimdik anyqtaldy. Budan bólek, sharýashylyq qurylystarynan 330 keliden asa esirtki shikizaty jáne satýǵa daiyndalǵan býyp-túiilgen ónim tárkilengen.
Bul derek boiynsha qylmystyq is qozǵaldy.
IIM Esirtki qylmysyna qarsy is-qimyl komiteti tóraǵasynyń orynbasary Eldar Ábdikenovtiń aitýynsha, tergeý barysynda qylmystyń barlyq mán-jaiy, esirtkini ótkizý arnalary jáne zańsyz áreketke qatysy bolýy múmkin ózge adamdar anyqtalyp jatyr.
