Energetika ministri Almasadam Sátqaliev Shell kompaniiasynyń «munai men gazdy barlaý jáne óndirý» bólimshesiniń atqarýshy vitse-prezidenti Piter Kostellomen jáne Qazaqstandaǵy Shell kontserniniń aǵa vitse-prezidenti jáne tóraǵasy Ali Ál-Janabimen kezdesý ótkizip, Qashaǵan men Qarashyǵanaqty odan ári igerý máselelerin talqylady.
Shell kompaniiasy Qazaqstannyń strategiialyq seriktesi ekeni belgili. Sátqaliev osy seriktestiń aldaǵy ýaqytta jalǵasyn taýyp, jańa múmkindikterge jol ashady dep senim bildiretinin aitty. Kezdesý barysynda taraptar Qashaǵan men Qarashyǵanaqty ármen qarai qalai igerýge bolatynyn talqyǵa saldy.
Sonymen birge Qashaǵanda ónimdiligi jylyna 2,5 mlrd tekshe metr bolatyn gaz óńdeitin zaýyty kontseptsiiasynyń 2A fazasyn júzege asyrý máselesi de aityldy. Al Qarashyǵanaq jobasy boiynsha ony aldaǵy ýaqytta damytyp, jylyna 4,5 mlrd tekshe metr óńdei alatyn GÓZ qurylysy talqylandy. Ministrdiń aitýynsha, Qazaqstan men Shell arasyndaǵy ózara tiimdi yntymaqtastyqty odan ári nyǵaitýǵa kúsh salynady.
