ەنەرگەتيكا ءمينيسترى الماسادام ساتقالييەۆ Shell كومپانياسىنىڭ «مۇناي مەن گازدى بارلاۋ جانە ءوندىرۋ» بولىمشەسىنىڭ اتقارۋشى ۆيسە-پرەزيدەنتى پيتەر كوستەللومەن جانە قازاقستانداعى Shell كونسەرنىنىڭ اعا ۆيسە-پرەزيدەنتى جانە ءتوراعاسى الي ال-جانابيمەن كەزدەسۋ وتكىزىپ، قاشاعان مەن قاراشىعاناقتى ودان ءارى يگەرۋ ماسەلەلەرىن تالقىلادى.
Shell كومپانياسى قازاقستاننىڭ ستراتەگيالىق سەرىكتەسى ەكەنى بەلگىلى. ساتقالييەۆ وسى سەرىكتەستىڭ الداعى ۋاقىتتا جالعاسىن تاۋىپ، جاڭا مۇمكىندىكتەرگە جول اشادى دەپ سەنىم بىلدىرەتىنىن ايتتى. كەزدەسۋ بارىسىندا تاراپتار قاشاعان مەن قاراشىعاناقتى ارمەن قاراي قالاي يگەرۋگە بولاتىنىن تالقىعا سالدى.
سونىمەن بىرگە قاشاعاندا ونىمدىلىگى جىلىنا 2،5 ملرد تەكشە مەتر بولاتىن گاز وڭدەيتىن زاۋىتى كونسەپسياسىنىڭ 2ا فازاسىن جۇزەگە اسىرۋ ماسەلەسى دە ايتىلدى. ال قاراشىعاناق جوباسى بويىنشا ونى الداعى ۋاقىتتا دامىتىپ، جىلىنا 4،5 ملرد تەكشە مەتر وڭدەي الاتىن گوز قۇرىلىسى تالقىلاندى. ءمينيستردىڭ ايتۋىنشا، قازاقستان مەن شەلل اراسىنداعى ءوزارا ءتيىمدى ىنتىماقتاستىقتى ودان ءارى نىعايتۋعا كۇش سالىنادى.
