Qarasai aýdanynda respýblikalyq «Taza Qazaqstan» baǵdarlamasy aiasynda «Taza ólke – jarqyn bolashaqtyń kepili» taqyrybynda Qaskeleń ózeni aýmaǵynda kezekti ekologiialyq senbilik uiymdastyryldy. Tabiǵatty aialaý men qorshaǵan ortany qorǵaýǵa baǵyttalǵan bul igi sharaǵa aýdan turǵyndary, eriktiler men belsendi jastar belsene qatysty, dep habarlaidy dalanews.kz.
Atalǵan is-sharanyń negizgi maqsaty – jas urpaqtyń ekologiialyq mádenietin qalyptastyrý, tabiǵatqa degen jaýapkershiligin arttyrý jáne qoǵamda tazalyq mádenietin damytý. Sonymen qatar, qorshaǵan ortany qorǵaý baǵytyndaǵy jumystardy júieli túrde júrgizý arqyly turǵyndardy tabiǵatty taza ustaýǵa úndeý kózdeldi.
Senbilik barysynda Qaskeleń ózeniniń jaǵalaýy turmystyq qaldyqtardan tazartylyp, qýraǵan shópter men bei-bereket tastalǵan qoqystar jinaldy. Qatysýshylar aýmaqty abattandyrý jáne sanitarlyq tazalaý jumystaryn júrgizip, tabiǵi ortanyń tazalyǵyn saqtaýǵa óz úlesterin qosty.
Shara aiasynda turǵyndarǵa tabiǵatty qorǵaý, qorshaǵan ortany saqtaý jáne ekologiialyq mádenietti qalyptastyrý baǵytynda túsindirý jumystary da uiymdastyryldy. Bul bastama ekologiialyq sanany arttyrýǵa jáne tabiǵatqa janashyrlyqpen qaraýǵa úndeidi.
Ekologiialyq senbilikke Qaskeleń qalasynyń ákimi Asqar Muqashev, aýdandaǵy dini birlestikterdiń ókilderi, eriktiler, belsendi jastar men jergilikti turǵyndar qatysyp, birlesken eńbek arqyly týǵan jerdiń tazalyǵyna úles qosty. Jalpy is-sharaǵa 100-den astam adam qatysyp, ortaq maqsat jolynda aýyzbirshilik tanytty.
Osyndai ekologiialyq sharalar – týǵan jerdiń kórkeiýine, qorshaǵan ortanyń tazalyǵyn saqtaýǵa jáne bolashaq urpaqqa taza tabiǵat qaldyrýǵa baǵyttalǵan mańyzdy qadamdardyń biri.
