قاراساي اۋدانىندا رەسپۋبليكالىق «تازا قازاقستان» باعدارلاماسى اياسىندا «تازا ٶلكە – جارقىن بولاشاقتىڭ كەپٸلٸ» تاقىرىبىندا قاسكەلەڭ ٶزەنٸ اۋماعىندا كەزەكتٸ ەكولوگييالىق سەنبٸلٸك ۇيىمداستىرىلدى. تابيعاتتى ايالاۋ مەن قورشاعان ورتانى قورعاۋعا باعىتتالعان بۇل يگٸ شاراعا اۋدان تۇرعىندارى, ەرٸكتٸلەر مەن بەلسەندٸ جاستار بەلسەنە قاتىستى, دەپ حابارلايدى dalanews.kz.
اتالعان ٸس-شارانىڭ نەگٸزگٸ ماقساتى – جاس ۇرپاقتىڭ ەكولوگييالىق مەدەنيەتٸن قالىپتاستىرۋ, تابيعاتقا دەگەن جاۋاپكەرشٸلٸگٸن ارتتىرۋ جەنە قوعامدا تازالىق مەدەنيەتٸن دامىتۋ. سونىمەن قاتار, قورشاعان ورتانى قورعاۋ باعىتىنداعى جۇمىستاردى جٷيەلٸ تٷردە جٷرگٸزۋ ارقىلى تۇرعىنداردى تابيعاتتى تازا ۇستاۋعا ٷندەۋ كٶزدەلدٸ.
سەنبٸلٸك بارىسىندا قاسكەلەڭ ٶزەنٸنٸڭ جاعالاۋى تۇرمىستىق قالدىقتاردان تازارتىلىپ, قۋراعان شٶپتەر مەن بەي-بەرەكەت تاستالعان قوقىستار جينالدى. قاتىسۋشىلار اۋماقتى اباتتاندىرۋ جەنە سانيتارلىق تازالاۋ جۇمىستارىن جٷرگٸزٸپ, تابيعي ورتانىڭ تازالىعىن ساقتاۋعا ٶز ٷلەستەرٸن قوستى.
شارا اياسىندا تۇرعىندارعا تابيعاتتى قورعاۋ, قورشاعان ورتانى ساقتاۋ جەنە ەكولوگييالىق مەدەنيەتتٸ قالىپتاستىرۋ باعىتىندا تٷسٸندٸرۋ جۇمىستارى دا ۇيىمداستىرىلدى. بۇل باستاما ەكولوگييالىق سانانى ارتتىرۋعا جەنە تابيعاتقا جاناشىرلىقپەن قاراۋعا ٷندەيدٸ.
ەكولوگييالىق سەنبٸلٸككە قاسكەلەڭ قالاسىنىڭ ەكٸمٸ اسقار مۇقاشەۆ, اۋدانداعى دٸني بٸرلەستٸكتەردٸڭ ٶكٸلدەرٸ, ەرٸكتٸلەر, بەلسەندٸ جاستار مەن جەرگٸلٸكتٸ تۇرعىندار قاتىسىپ, بٸرلەسكەن ەڭبەك ارقىلى تۋعان جەردٸڭ تازالىعىنا ٷلەس قوستى. جالپى ٸس-شاراعا 100-دەن استام ادام قاتىسىپ, ورتاق ماقسات جولىندا اۋىزبٸرشٸلٸك تانىتتى.
وسىنداي ەكولوگييالىق شارالار – تۋعان جەردٸڭ كٶركەيۋٸنە, قورشاعان ورتانىڭ تازالىعىن ساقتاۋعا جەنە بولاشاق ۇرپاققا تازا تابيعات قالدىرۋعا باعىتتالعان ماڭىزدى قادامداردىڭ بٸرٸ.
