– Sáláfit, tablix, gúlenshi, ismatýllanyń sopysy, quranit, táńirshi bolmai-aq qarapaiym musylman bolý úshin ne kedergi?! Shynymen de ne kedergi?
Nege typ-tynysh namazdy oqyp, paryz, súnnetke sai amal qylyp júre bermeimiz. Nege top izdep turamyz?
Ol topqa kire salyp nege kelesi toptaǵy baýyrlarmen jaýlasa ketemiz? – deidi jýrnalist.
Oryndy aitady. Sebebi, ár toptyń ókilderi óz joldarynyń týralyǵyn dáleldeý úshin kelesi bir toptyń ókilderimen jaǵa jyrtysady. Solai emes pe? Ony ómirdiń ózi dáleldep otyr ǵoi.
– Óz jolyńnyń týralyǵyn ózgege dáleldeý ne úshin qajet? 2000-jyldardan bergi bolǵan dini alańdaǵy qaqtyǵystar qazaǵyńnyń dinge degen maxabbatyn ósirýdiń ornyna óshirip jiberdi dep oilamaisyń ba?
90-jyldary saqal qoiyp, sálde oraǵan adam kórse «assalaýmalikým» dep qolyn ala júgiretin qazaq, nege qazir dindarlardan aiaǵyn tartyp, sekemdenip turady?
Buǵan kim kináli? – degen oryndy saýal qoiady bul rette Esbolat Aidabosyn.
Jýrnalistiń aitýynsha, sopy-sáláfit soǵysy, sáláfit pen quranidter qaqtyǵysy, gúlenshilermen sharpysý, tablixtardy tuqyrtý operatsiialary bireýler úshin sátti aiaqtalǵan jospar ǵana.
– Iá, solai. Bireýler jeńip, bireýler jeńilgen bolar. Jeńgenderdi quttyqtamaimyn, jeńilgenge bolyspaimyn! Óitkeni eki jaqta da qyzylkeńirdektenip shaýyp júrgen ózimniń qaryndas-baýyrlarym. Tek janym ashidy. Áli qansha alysasyńdar?! Sharshamadyńdar ma? Menimshe, baiqus qazaqty sender sharshatyp jiberdińder! – degen oi túiedi Esbolat Aidabosyn.
