– سەلەفيت, تابليx, گٷلەنشٸ, يسماتۋللانىڭ سوپىسى, قۇرانيت, تەڭٸرشٸ بولماي-اق قاراپايىم مۇسىلمان بولۋ ٷشٸن نە كەدەرگٸ?! شىنىمەن دە نە كەدەرگٸ?
نەگە تىپ-تىنىش نامازدى وقىپ, پارىز, سٷننەتكە ساي امال قىلىپ جٷرە بەرمەيمٸز. نەگە توپ ٸزدەپ تۇرامىز?
ول توپقا كٸرە سالىپ نەگە كەلەسٸ توپتاعى باۋىرلارمەن جاۋلاسا كەتەمٸز? – دەيدٸ جۋرناليست.
ورىندى ايتادى. سەبەبٸ, ەر توپتىڭ ٶكٸلدەرٸ ٶز جولدارىنىڭ تۋرالىعىن دەلەلدەۋ ٷشٸن كەلەسٸ بٸر توپتىڭ ٶكٸلدەرٸمەن جاعا جىرتىسادى. سولاي ەمەس پە? ونى ٶمٸردٸڭ ٶزٸ دەلەلدەپ وتىر عوي.
– ٶز جولىڭنىڭ تۋرالىعىن ٶزگەگە دەلەلدەۋ نە ٷشٸن قاجەت? 2000-جىلداردان بەرگٸ بولعان دٸني الاڭداعى قاقتىعىستار قازاعىڭنىڭ دٸنگە دەگەن ماxابباتىن ٶسٸرۋدٸڭ ورنىنا ٶشٸرٸپ جٸبەردٸ دەپ ويلامايسىڭ با?
90-جىلدارى ساقال قويىپ, سەلدە وراعان ادام كٶرسە «اسسالاۋماليكۋم» دەپ قولىن الا جٷگٸرەتٸن قازاق, نەگە قازٸر دٸندارلاردان اياعىن تارتىپ, سەكەمدەنٸپ تۇرادى?
بۇعان كٸم كٸنەلٸ? – دەگەن ورىندى ساۋال قويادى بۇل رەتتە ەسبولات ايدابوسىن.
جۋرناليستٸڭ ايتۋىنشا, سوپى-سەلەفيت سوعىسى, سەلەفيت پەن قۇرانيدتەر قاقتىعىسى, گٷلەنشٸلەرمەن شارپىسۋ, تابليxتاردى تۇقىرتۋ وپەراتسييالارى بٸرەۋلەر ٷشٸن سەتتٸ اياقتالعان جوسپار عانا.
– يە, سولاي. بٸرەۋلەر جەڭٸپ, بٸرەۋلەر جەڭٸلگەن بولار. جەڭگەندەردٸ قۇتتىقتامايمىن, جەڭٸلگەنگە بولىسپايمىن! ٶيتكەنٸ ەكٸ جاقتا دا قىزىلكەڭٸردەكتەنٸپ شاۋىپ جٷرگەن ٶزٸمنٸڭ قارىنداس-باۋىرلارىم. تەك جانىم اشيدى. ەلٸ قانشا الىساسىڭدار?! شارشامادىڭدار ما? مەنٸمشە, بايقۇس قازاقتى سەندەر شارشاتىپ جٸبەردٸڭدەر! – دەگەن وي تٷيەدٸ ەسبولات ايدابوسىن.
