Májilismen Keńes Absatırov Eńbek jáne áleýmettik qorǵaý mınıstrliginiń ókilinen áleýmettik kómek kórsetý barysynda kópbalaly otbasynyń tabysyna ata-ájelerdiń zeıneti qosyla ma dep suraǵan. Aıta keteıik, bul memlekettik járdemaqynyń mólsherine áser etedi.
– Zeınetti tabys retinde eseptesek, nege ómir boıy balalaryn súırep júrgen qarttar endi nemerelerin súıreýge mindetti bolýy kerek? – dedi depýtat.
Eńbek jáne áleýmettik qorǵaý vıse-mınıstri Svetlana Jaqypova qoldanystaǵy zańnamaǵa saı úı qojaıyndarynyń tabystary esepteletinin aıtty.
– Eger jaqyn týystary birge turyp jatsa, báriniń de tabysy esepke alynady. Jaqyn týystary dep «Neke jáne erli-zaıyptylyq kodeksine» enetin adamdardy aıtamyz, olar – ájeler, atalar, baýyrlar, ápke-sińliler, kúıeýi, áıeli men balalary, – dedi Jaqypova.
«Demek, olardy úıden qýýǵa májbúr etesizder me?» dep surady Absatırov.
Al Gúljan Qaraǵusova bul másele boıynsha óz pikirin qosty:
– Qýyp qaıtemiz? Bizge arnaıy úı salý qajet, qartaıǵanda balalardyń ómirine kedergi jasamaı, sol jaqqa baramyz. Bul qarttar úıi emes. Bul jeke kooperatıvter bolady. Birneshe jyl ótsin, Tatána Mıhaılovna (qarjy vıse-mınıstri Saveleva - avt.) men Tatána Ivanovnamen (Májilis depýtaty Iakovleva - avt.) birge sondaı úı salamyz da, balalarǵa kedergi keltirmes úshin, sol jaqta óz tabysymyzben ómir súrýge ketemiz, – dep depýtattar máz bolysty.
