Qaraǵandy oblysy ákimdigi Qaraǵandy qalasynyń Qazybek bi aýdandyq prokýratýrasymen jáne Qaraǵandy qalasy Politsiia basqarmasynyń kiberqylmysqa qarsy is-qimyl bólimimen birlesip, «Ashyq politsiia» baǵdarlamasy aiasynda turǵyndardyń quqyqtyq saýattylyǵyn arttyrýǵa jáne internet-alaiaqtyqtyń aldyn alýǵa baǵyttalǵan respýblikalyq deńgeidegi profilaktikalyq is-shara ótkizdi, dep habarlaidy dalanews.kz.
Is-sharaǵa memlekettik organdardyń ókilderi, quqyqtyq tártip pen kiberqaýipsizdik salasynyń mamandary qatysty. Kezdesý barysynda azamattardy internet-alaiaqtardan qorǵaý, kiberqylmystardyń aldyn alý, jeke derekterdiń qaýipsizdigin qamtamasyz etý jáne tsifrlyq ortada jaýapty minez-qulyq qalyptastyrý máselelerine erekshe nazar aýdaryldy.
Qatysýshylarǵa internet-alaiaqtardyń keń taralǵan aila-tásilderi, áleýmettik injeneriia ádisteri, sondai-aq áleýmettik jelilerdi, mobildi qosymshalar men onlain-banking qyzmetterin paidalaný kezinde jeke aqparatty qorǵaýdyń praktikalyq joldary jan-jaqty túsindirildi.
Qaraǵandy qalasy Qazybek bi aýdandyq prokýratýrasy bóliminiń prokýrory Gúlsara Serikqyzy Kerimjanova aqparattyq tehnologiialar salasyndaǵy quqyq buzýshylyqtardyń aldyn alý tsifrlandyrý dáýirinde erekshe mańyzǵa ie ekenin atap ótti.
– Bizdiń mindetimiz quqyq buzýshylyq faktilerine ǵana áreket etý emes, azamattardyń quqyqtyq saýattylyǵyn arttyrý arqyly olardyń aldyn alý, – dedi ol.
Al Qaraǵandy qalasy Politsiia basqarmasynyń kiberqylmysqa qarsy is-qimyl bóliminiń bastyǵy Mihail Iýrevich Kalashidi qazirgi kiberqylmystardyń kúrdelenip, tehnologiialyq turǵydan damyp kele jatqanyn aitty.
– Osyǵan bailanysty halyqqa jeke derekterdi qorǵaý tásilderin túsindirý jáne alaiaqtyq shemalardy der kezinde tanyp-bilýge úiretý negizgi baǵyttardyń biri bolyp tabylady, – dedi bólim basshysy.
Qaraǵandy oblysy ákimdiginiń ókilderi de turǵyndardyń tsifrlyq saýattylyǵyn arttyrý memlekettik saiasattyń mańyzdy baǵyty ekenin jáne onyń qoǵamdyq qaýipsizdik deńgeiine tikelei áser etetinin jetkizdi.
Is-shara qorytyndysynda memlekettik organdardyń keshendi profilaktikalyq jumysy kiberqylmys táýekelderin tómendetýge jáne azamattardyń tsifrlyq keńistikte qaýipsiz áreket etý daǵdylaryn qalyptastyrýǵa yqpal etetini atap ótildi.
