"Qyzyl jarty ai qoǵamy" qoǵamdyq birlestiginiń Qaraǵandy oblystyq filialy Qaraǵandy oblysynyń Tótenshe jaǵdailar departamentimen birlestikte 130 eriktilerdi oqytyp, olardy 25 mobildi topqa bóldi.
Bul bastama Ortalyq Aziianyń Eýraziia Qory "Shevron" kompaniiasymen seriktestikte júzege asyryp otyrǵan "Qolda 2.0" shuǵyl kómek baǵdarlamasy aiasynda uiymdastyrylady.
"Info-Shit" jobasynyń negizgi maqsattary - Qaraǵandy oblysynda volonterlikti damytý, azamattyq qoǵamnyń tótenshe jaǵdailarda tiimdi áreket etý qabiletin arttyrý jáne qoǵamdyq jáne eriktiler uiymdarynyń kúsh-jigerin úilestirýdi jaqsartý bolyp tabylady. Eriktilerden quralǵan mobildi toptar qamtityn aimaqtar - Qaraǵandy q, Osakarov, Buqar Jyraý jáne Shet aýdandary.
"Bul jobanyń máni mynada: biz tańdaǵan aimaqtar tótenshe jaǵdailarǵa óte sezimtal. Bul eldi mekenderde sý tasqyny jii bolyp turady. Aldymen eriktiler arnaiy oqýdan ótti, keiin olar aýyl turǵyndary úshin onlain-treningter ótkizdi.
Treningter barysynda ár eldi meken úshin qaýip-qater kartasy ázirlendi. Sol kartalardyń kómegimen turǵyndar óz eldi mekenderinde tótenshe jaǵdai qaýpin anyqtai alady jáne aldyn-alýǵa tiisti áreket jasai alady." - "Qyzyl jarty ai qoǵamy" ÚEU Qaraǵandy oblystyq filialynyń jetekshisi Tatiana Abramova.
2020 jyldyń qarashasy men 2021 jyldyń sáýir aiy aralyǵynda mobildi toptar birqatar reidter men aktsiialardy ótkizdi, sonymen qatar tótenshe jaǵdailar kezinde ne isteý kerektigi týraly egjei-tegjeili nusqaýlyqtan turatyn otbasylarǵa arnalǵan 116 dana jospar qurdy. Joba Qaraǵandy qalasy, Osakarov, Buqar jyraý jáne Shet aýdandarynda turatyn 50 000 adamdy qamtydy. Sondai-aq, Qaraǵandy oblysynyń turǵyndaryna COVID-19 týraly 70 000 dana aqparattyq paraqshalar taratyldy. "Info-Shit" jobasy barysynda aýyl-aimaq turǵyndarynyń tótenshe jaǵdailarmen COVID-19-dyń densaýlyqqa tigizetin negativti áserin azaitýǵa qajetti daǵdylardy qalyptastyrýǵa jáne stresstik jaǵdaida jedel áreket etý qabileti siiaqty jeke qasietterdi damytýǵa erekshe nazar aýdaryldy.
"Info-Shit" jobasynyń sońynda "Memleket pen Qazaqstan Respýblikasynyń Qyzyl jarty ai qoǵamy apat kezinde áreket etýtiimdiligin arttyrý. Tótenshe jaǵdaiǵa daiyndyq kezindegi eriktilerdiń róli" taqyrybynda dóńgelek ústel ótkizildi. Shara barysynda jobanyń qatysýshylary men eriktileri marapattaldy.
"Qolda" shuǵyl kómek baǵdarlamasy Ortalyq Aziianyń Eýraziia Qory "Shevron" kompaniiasymen seriktestikte júzege asyp otyr.
