Qaraǵandyda dástúrli Tamyz keńesinde kitap oqýdy nasıhattaýǵa, synı jáne analıtıkalyq oılaýdy damytýǵa, sondaı-aq kitapty bilim men zıatkerlik damýdyń negizgi kózi retinde nyǵaıtýǵa baǵyttalǵan aýqymdy «Kitap oqıtyn ult» mádenı-aǵartýshylyq jobasy tanystyryldy,- dep habarlaıdy Dalanews.kz
Bul joba Qazaqstan Respýblıkasynyń Prezıdenti Qasym-Jomart Kemeluly Toqaevtyń Atyraýda ótken Ulttyq quryltaıdyń III otyrysynda aıtylǵan tujyrymdamasy aıasynda júzege asyrylýda jáne Qazaqstandy álemdegi eń kóp oqıtyn on eldiń qataryna shyǵarýdy maqsat etedi.
«Kitap oqıtyn ult» jobasy aıasynda halyqtyń ártúrli toptaryn kitap oqý mádenıetine tartýǵa baǵyttalǵan baıqaý bastaý alady. Baıqaý alty baǵyt boıynsha ótkiziledi:
Árbir baǵyt úshin sarapshylar men tıisti sala ókilderiniń usynystary boıynsha ár baǵytqa sáıkes 15 kitaptan turatyn tizim ázirlendi. Jalpy tizimge «100 kitap» Jalpyulttyq saýalnama nátıjesinde tańdalǵan shyǵarmalar endi.
Ár sanattaǵy kitaptar tizimi qatysýshylardyń jas ereksheligine sáıkes beıimdelip ázirlendi. Mysalǵa, «Kitap oqıtyn mektep» baǵytynda 6-10 synyp oqýshylaryna arnalǵan ár bir synypqa 15 kitaptan, jalpy 75 kitap tizimi daıyndaldy.
Qatysýshylar tizimdegi kitaptardy oqyp, shyǵarmashylyq tapsyrmalardy oryndap, zıatkerlik saıystarǵa qatysady.
Joba 2025 jyly Qaraǵandy oblysynyńturǵyndarynyń zıatkerlik áleýetin damytýǵa jáne oqýǵa degen turaqty ádetti qalyptastyrýǵa yqpal ete otyryp, 45 myńnan astam turǵyndyqamtýdy josparlap otyr.
Baıqaýdyń negizgi uıymdastyrýshylary – «AMANAT» partıasynyń qoldaýymen, «Kitap oqıtyn ult – Chıtaıýshaıa nasıa» Qoǵamdyq qory jáne Qaraǵandy oblysynyń ákimdigi. Bas demeýshi – Alageum Electric kompanıasy, al aımaq boıynsha seriktes – «RGB Grour» kompanıasybolyp tabylady.
Qordyń atqarýshy dırektory Aıan Sakoshev jobany tanystyra otyryp, onyń ulttyń rýhanı jáne zıatkerlik damýy úshin mańyzdylyǵyn atap ótti.
«Bizdiń mısıamyz – Qazaqstandy álemdegi eń kóp oqıtyn on eldiń qataryna qosý. «Kitap oqıtyn ult» jobasy Qasym-Jomart Kemeluly Toqaevtyń rýhanı aǵartýshylyq pen eldiń zıatkerlik damýyna baǵyttalǵan strategıasy aıasynda júzege asyrylýda. Biz barlyq jastaǵy toptardyń qyzyǵýshylyqtaryn eskerip, shabyttandyratyn jáne jeke tulǵanyń damýyna yqpal etetin kitaptar usyndyq», — dep atap ótti A. Sakoshev.
Óz kezeginde Qaraǵandy oblysynyń ákimi Ermaǵanbet Bólekpaev oqý mádenıetin qalyptastyrýdy ulttyq damýdyń basty faktory retinde atap ótip, soǵan sáıkes bilim berý uıymdarynda kitaphana servısterin damytyp, oqýshylardy, ustazdar men ata-analardy kitap oqýǵa belsendi tartýǵa baǵyttalǵan «Kitap oqıtyn ult» jobasyn júzege asyrýdy tapsyrdy.
Baıqaý 2025 jyldyń qyrkúıeginen 2026 jyldyń naýryzyna deıin jalǵasady. Árbir baǵyttaǵy jeńimpazdar kelesdieı júldelerge ıe bolady:
Qaraǵandy oblysynyń turǵyndaryn, oqýshylardy, stýdentterdi, pedagogterdi, memlekettik qyzmetkerler men otbasylyq áýletterdi «Kitap oqıtyn ult» jobasyna qatysýǵa shaqyramyz.
Baıqaýǵa qatysyp, bilim álemin ashyńyz jáne Qazaqstanda oqý mádenıetin ilgeriletýge baǵyttalǵan jahandyq mısıanyń bir bóligi bolyńyz!
