قاراعاندىدا ءداستۇرلى تامىز كەڭەسىندە كىتاپ وقۋدى ناسيحاتتاۋعا، سىني جانە اناليتيكالىق ويلاۋدى دامىتۋعا، سونداي-اق كىتاپتى ءبىلىم مەن زياتكەرلىك دامۋدىڭ نەگىزگى كوزى رەتىندە نىعايتۋعا باعىتتالعان اۋقىمدى «كىتاپ وقيتىن ۇلت» مادەني-اعارتۋشىلىق جوباسى تانىستىرىلدى،- دەپ حابارلايدى Dalanews.kz
بۇل جوبا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ اتىراۋدا وتكەن ۇلتتىق قۇرىلتايدىڭ III وتىرىسىندا ايتىلعان تۇجىرىمداماسى اياسىندا جۇزەگە اسىرىلۋدا جانە قازاقستاندى الەمدەگى ەڭ كوپ وقيتىن ون ەلدىڭ قاتارىنا شىعارۋدى ماقسات ەتەدى.
«كىتاپ وقيتىن ۇلت» جوباسى اياسىندا حالىقتىڭ ءارتۇرلى توپتارىن كىتاپ وقۋ مادەنيەتىنە تارتۋعا باعىتتالعان بايقاۋ باستاۋ الادى. بايقاۋ التى باعىت بويىنشا وتكىزىلەدى:
ءاربىر باعىت ءۇشىن ساراپشىلار مەن ءتيىستى سالا وكىلدەرىنىڭ ۇسىنىستارى بويىنشا ءار باعىتقا سايكەس 15 كىتاپتان تۇراتىن ءتىزىم ازىرلەندى. جالپى تىزىمگە «100 كىتاپ» جالپىۇلتتىق ساۋالناما ناتيجەسىندە تاڭدالعان شىعارمالار ەندى.
ءار ساناتتاعى كىتاپتار ءتىزىمى قاتىسۋشىلاردىڭ جاس ەرەكشەلىگىنە سايكەس بەيىمدەلىپ ازىرلەندى. مىسالعا، «كىتاپ وقيتىن مەكتەپ» باعىتىندا 6-10 سىنىپ وقۋشىلارىنا ارنالعان ءار ءبىر سىنىپقا 15 كىتاپتان، جالپى 75 كىتاپ ءتىزىمى دايىندالدى.
قاتىسۋشىلار تىزىمدەگى كىتاپتاردى وقىپ، شىعارماشىلىق تاپسىرمالاردى ورىنداپ، زياتكەرلىك سايىستارعا قاتىسادى.
جوبا 2025 جىلى قاراعاندى وبلىسىنىڭتۇرعىندارىنىڭ زياتكەرلىك الەۋەتىن دامىتۋعا جانە وقۋعا دەگەن تۇراقتى ادەتتى قالىپتاستىرۋعا ىقپال ەتە وتىرىپ، 45 مىڭنان استام تۇرعىندىقامتۋدى جوسپارلاپ وتىر.
بايقاۋدىڭ نەگىزگى ۇيىمداستىرۋشىلارى – «AMANAT» پارتياسىنىڭ قولداۋىمەن، «كىتاپ وقيتىن ۇلت – چيتايۋششايا ناسيا» قوعامدىق قورى جانە قاراعاندى وبلىسىنىڭ اكىمدىگى. باس دەمەۋشى – Alageum Electric كومپانياسى، ال ايماق بويىنشا سەرىكتەس – «RGB Grouر» كومپانياسىبولىپ تابىلادى.
قوردىڭ اتقارۋشى ديرەكتورى ايان ساكوشيەۆ جوبانى تانىستىرا وتىرىپ، ونىڭ ۇلتتىڭ رۋحاني جانە زياتكەرلىك دامۋى ءۇشىن ماڭىزدىلىعىن اتاپ ءوتتى.
«ءبىزدىڭ ميسسيامىز – قازاقستاندى الەمدەگى ەڭ كوپ وقيتىن ون ەلدىڭ قاتارىنا قوسۋ. «كىتاپ وقيتىن ۇلت» جوباسى قاسىم-جومارت كەمەل ۇلى توقايەۆتىڭ رۋحاني اعارتۋشىلىق پەن ەلدىڭ زياتكەرلىك دامۋىنا باعىتتالعان ستراتەگياسى اياسىندا جۇزەگە اسىرىلۋدا. ءبىز بارلىق جاستاعى توپتاردىڭ قىزىعۋشىلىقتارىن ەسكەرىپ، شابىتتاندىراتىن جانە جەكە تۇلعانىڭ دامۋىنا ىقپال ەتەتىن كىتاپتار ۇسىندىق»، — دەپ اتاپ ءوتتى ا. ساكوشيەۆ.
ءوز كەزەگىندە قاراعاندى وبلىسىنىڭ اكىمى ەرماعانبەت بولەكپايەۆ وقۋ مادەنيەتىن قالىپتاستىرۋدى ۇلتتىق دامۋدىڭ باستى فاكتورى رەتىندە اتاپ ءوتىپ، سوعان سايكەس ءبىلىم بەرۋ ۇيىمدارىندا كىتاپحانا سەرۆيستەرىن دامىتىپ، وقۋشىلاردى، ۇستازدار مەن اتا-انالاردى كىتاپ وقۋعا بەلسەندى تارتۋعا باعىتتالعان «كىتاپ وقيتىن ۇلت» جوباسىن جۇزەگە اسىرۋدى تاپسىردى.
بايقاۋ 2025 جىلدىڭ قىركۇيەگىنەن 2026 جىلدىڭ ناۋرىزىنا دەيىن جالعاسادى. ءاربىر باعىتتاعى جەڭىمپازدار كەلەسدىەي جۇلدەلەرگە يە بولادى:
قاراعاندى وبلىسىنىڭ تۇرعىندارىن، وقۋشىلاردى، ستۋدەنتتەردى، پەداگوگتەردءى، مەملەكەتتىك قىزمەتكەرلەر مەن وتباسىلىق اۋلەتتەردى «كىتاپ وقيتىن ۇلت» جوباسىنا قاتىسۋعا شاقىرامىز.
بايقاۋعا قاتىسىپ، ءبىلىم الەمىن اشىڭىز جانە قازاقستاندا وقۋ مادەنيەتىن ىلگەرىلەتۋگە باعىتتالعان جاھاندىق ميسسيانىڭ ءبىر بولىگى بولىڭىز!
