Qaraǵandy oblysynda "Jastar taza Qazaqstan úshin!" ekologiialyq aktsiiasy bastaldy. Sharaǵa birinshi bolyp Temirtaý ekobelsendileri qatysty.
100-den astam erikti, "Jasyl el" eńbek jasaǵynyń jaýyngerleri, KVN komandalarynyń qatysýshylary, sportshylar, sondai-aq QHA jastar qanatynyń ókilderi "Metallýrg" qalalyq stadionynyń aýmaǵyn tazalady. Olar basqalarǵa úlgi bola otyryp, ekologiia máselelerine nazar aýdaryp, Temirtaýdaǵy qorshaǵan ortanyń jai-kúiin jaqsartýdy kózdep otyr.
– Bizdiń basty mindetimiz – jastardy ekologiialyq bastamalarǵa tartý jáne aýqymdy aktsiiany belsendi qoldaý. Stadionda kún saiyn jattyǵýlar, komandalyq oiyndar ótedi. Street Workout-oiyn alańy keshke sporttyń kóptegen jankúierlerin jinaidy. Búgin biz sportshylar dál osy jerdi tazalaýdy tańdaǵanymyz da beker emes.
Aktsiiaǵa qatysýshylar sanitarlyq tazartý aýmaǵyn keńeitemiz dep ýáde berdi.
– Bizdiń jastar qozǵalysy árqashan eko bastamalarǵa qatysady. Biz jastardyń tazalyq pen qorshaǵan ortany qorǵaýǵa degen umtylysy qalai qalyptasatynyn kóremiz. Ári qarai, biz bul igi isti jalǵastyramyz! Turǵyndardy bizge qosylýǵa shaqyramyz, – deidi Temirtaý qalasynyń Jastar resýrstyq ortalyǵy direktorynyń mindetin atqarýshy Rýslan Qojekenov.
"Jastar taza Qazaqstan úshin!" – sáýir aiynyń basynda Memleket basshysynyń bastamasymen iske qosylǵan "Taza Qazaqstan" respýblikalyq ekologiialyq aktsiiasynyń jalǵasy. Temirtaý boiynsha "Taza Qazaqstan" aktsiiasyna 20 myń turǵyn, 300 ujym qatysyp, saiabaqtar men gúlzarlar tazalanyp, 15 myń tonna QTQ shyǵaryldy. Sondai-aq, 5 myńnan astam túrli aǵash egildi, tarihi jáne mádeniet eskertkishteriniń aýmaqtary jinaldy.
