Qaraǵandy qalasynda búgin jeke menshik balabaqshalardyń biri órtenip,88 adam, onyń ishinde 82 bala evakýatsiialandy. Oqiǵa ornyna balalardy jylytý úshin vahtovkalar jumyldyryldy, dep habarlaidy Dalanews.kz.
QR TJM baspasóz qyzmetiniń málimetinshe, balabaqsha jertólesinde 1 sharshy metr alańda zattar men elektr qalqanynyń avtomaty órtengen.
"Qutqarýshylardyń jedel áreketteriniń arqasynda órt jedel sóndirildi. TJM kúshteri tútin oraǵan ǵimarattan 88 adamdy, onyń ishinde 82 balany tez arada evakýatsiialady. Oqiǵa ornynda balalardy jylytý úshin vahtovkalar jumyldyryldy. TJD psihologtary da jumys istedi. Meditsinalyq kómek eshkimge qajet bolmady. Órttiń shyǵý sebebi anyqtalýda", dep habarlaidy tótenshelikter.
TJM azamattardy órt qaýipsizdigi erejelerin saqtaýǵa shaqyrady.
Aita ketsek, kúni keshe Qostanai oblysynda órt kezinde bes balasynan aiyrylǵan qaraly ana sot úkimi shyqty. Jitiqara aýdandyq soty balalaryn qaraýsyz qaldyrǵan anaǵa 5 jylǵa bas bostandyǵynan aiyrý jazasyn taǵaiyndady jáne QR QK-niń 74-babynyń negizinde jas balasynyń bolýyna bailanysty jazany oryndaýdy keiinge qaldyrdy. Oqys oqiǵa 2024 jyly 11 qazanda órt pen úidiń shatyrynyń opyrylýy saldarynan bolǵan. Úide qaraýsyz alty balanyń beseýi opat boldy. Al anasy balalardy qaraýsyz qaldyryp, qurbysynyń úiine ketkeni belgili boldy. Marqum balalardyń ákesi túrmede otyr.
